வில்லியனுார்; வில்லியனுார் அருகே, பெரம்பை கிராமத்திற்கு செல்லும் செம்மண் மேடு சாலையில், மண் சரிவு காரணமாக, போக்குவரத்து தற்காலிகமாக தடை செய்யப்பட்டுள்ளது.புதுச்சேரி - ஊசுட்டேரி சாலையில், பூத்துறை - பங்களாமேடு நான்கு ரோடு சந்திப்பிலிருந்து, பெரம்பை கிராமத்திற்கு செல்லும் செம்மண் மேடு சாலை உள்ளது. அரை கி.மீ., துாரம் கொண்ட இந்த சாலையின் இருபுறத்திலும், 40 அடி ஆழத்திற்கு பள்ளம் உள்ளது. குறுகலான இந்த சாலையை, கடந்த சில மாதங்களுக்கு முன்னர் தார் சாலையாக அமைத்தனர்.இந்நிலையில், தற்போது பெய்ந்துவரும் தொடர்மழையால் சாலையோரம் பல இடங்களில் மண் சரிவு ஏற்பட்டுள்ளது. இதனால் இந்த சாலையில் நான்கு சக்கர வாகனங்கள் மற்றும் கனரக வாகனங்கள் செல்ல தற்காலிகமாக தடை விதிக்கப்பட்டுள்ளது.