சென்னை : பாதையில் பராமரிப்பு பணி நடப்பதால், சென்னை - திருப்பதி சிறப்பு ரயில் ரத்து செய்யப்பட்டுள்ளது.

சென்னை, எம்.ஜி. ஆர்., சென்ட்ரலில் இருந்து, ஆந்திர மாநிலம், திருப்பதிக்கு தினமும் காலை, 6:25 மணிக்கும், திருப்பதியில் இருந்து எம்.ஜி.ஆர்.,சென்ட்ரலுக்கு, காலை, 10:15 மணிக்கும், சிறப்பு ரயில் இயக்கப்பட்டு வருகிறது. ரயில் பாதையில், பராமரிப்பு பணி நடப்பதால், இந்த ரயில்கள், வரும், 19ம் தேதியில் இருந்து, 25ம் தேதி வரை, இரு வழித் தடத்திலும், எம்.ஜி. ஆர்., சென்ட்ரல் - ரேணிகுண்டா இடையே மட்டும் இயக்கப்படும். 26ம் தேதி, இந்த ரயில்கள், எம்.ஜி. ஆர்.,சென்ட்ரல் - திருப்பதி இடையே, முழுதும் ரத்து செய்யப்பட்டுள்ளது

ராமேஸ்வரத்தில் இருந்து, குஜராத் மாநிலம், ஓகாவுக்கு, வரும், 18 மற்றும், 25ம் தேதிகளில் இயக்கப்படும் வாராந்திர எக்ஸ்பிரஸ், திருப்பதி செல்லாமல், பாதை மாற்றம் செய்யப்பட்டு, காட்பாடி, ரேணிகுண்டா வழியாக இயக்கப்படும்நாகர்கோவிலில் இருந்து, மேற்கு வங்க மாநிலம், சாலிமாருக்கு, வரும், 20ம் தேதி மதியம், 2:45 மணிக்கு இயக்கப்படும் சிறப்பு ரயில், திருப்பதி செல்லாமல், காட்பாடி, ரேணிகுண்டா வழியாக இயக்கப்படும்.