பொது செய்தி

தமிழ்நாடு

ஆயத்த ஆடை ஏற்றுமதி வர்த்தகம்: 'டாலர்' மதிப்பில், 1.19 சதவீதம் சரிவு

Added : டிச 19, 2020
Share
Advertisement
திருப்பூர்:இந்திய ஆயத்த ஆடை ஏற்றுமதி வர்த்தகம், டாலர் மதிப்பில் கணக்கிடும்போது, கடந்த நவம்பர் மாதம் 1.19 சதவீதம் சரிவடைந்துள்ளது.கொரோனாவால் சரிவடைந்த இந்திய ஆயத்த ஆடை ஏற்றுமதி வர்த்தகம், செப்., முதல் வளர்ச்சிப்பாதைக்கு திரும்பியுள்ளது. மத்திய வர்த்தகத்துறை அமைச்சகம், கடந்த நவம்பருக்கான ஆயத்த ஆடை ஏற்றுமதி வர்த்தக விவரங்களை வெளியிட்டுள்ளது.ரூபாய் மதிப்பில்

திருப்பூர்:இந்திய ஆயத்த ஆடை ஏற்றுமதி வர்த்தகம், டாலர் மதிப்பில் கணக்கிடும்போது, கடந்த நவம்பர் மாதம் 1.19 சதவீதம் சரிவடைந்துள்ளது.கொரோனாவால் சரிவடைந்த இந்திய ஆயத்த ஆடை ஏற்றுமதி வர்த்தகம், செப்., முதல் வளர்ச்சிப்பாதைக்கு திரும்பியுள்ளது. மத்திய வர்த்தகத்துறை அமைச்சகம், கடந்த நவம்பருக்கான ஆயத்த ஆடை ஏற்றுமதி வர்த்தக விவரங்களை வெளியிட்டுள்ளது.ரூபாய் மதிப்பில் கணக்கிடும்போது, வர்த்தகம் வளர்ச்சியையும், டாலரில் கணக்கிடும்போது சரிவையும், ஏற்றுமதி வர்த்தகம் சந்தித்துள்ளது.கடந்த 2019 - 20ம் நிதியாண்டின் நவ., மாதம், 7,544 கோடி ரூபாயாக இருந்த வர்த்தகம், நடப்பு ஆண்டில், 7,742.94 கோடியாக, ரூபாய் மதிப்பில் கணக்கிடும்போது, 2.64 சதவீதம் வளர்ச்சி அடைந்துள்ளது. அதேநேரம், டாலர் மதிப்பில் கணக்கிடும்போது, ஏற்றுமதி வர்த்தகம், 1.19 சதவீதம் சரிவை சந்தித்துள்ளது.திருப்பூர் பின்னலாடை ஏற்றுமதி துறையினர் கூறியதாவது:கடந்த ஆண்டு, 71.50 ரூபாயாக இருந்த ஒரு டாலர் மதிப்பு, தற்போது, 74 ரூபாயாக அதிகரித்துள்ளது. அதனாலேயே, ரூபாய் மதிப்பில் கணக்கிடும்போது, ஏற்றுமதி வர்த்தகம் வளர்ச்சி அடைந்ததுபோல் தெரிகிறது.கொரோனா இரண்டாவது அலையால், ஐரோப்பிய நாடுகளில், இரண்டாவது ஊரடங்கு அமல்படுத்தப்பட்டது.அதனால், நவ., மாதம், ஆடை ஏற்றுமதி வர்த்தகம் சரிந்துள்ளது. கொரோனா தடுப்பூசி தயாராகிவருவதால், புது நம்பிக்கை பிறந்துள்ளது. வரும் மாதங்களில், ஆடை ஏற்றுமதி வர்த்தகம் தொடர்ந்து வளர்ச்சிப்பாதையில் பயணிக்கும். இவ்வாறு, அவர்கள் கூறினர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X