இருவருக்கு கத்திக்குத்து3 பேர் கைதுகாளையார்கோவில்: காளையார்கோவில் அருகே அழகாபுரியை சேர்ந்த அருண்குமார் என்பவரை 2020 ஆக.,8 ம் தேதி கொலை செய்தனர். இக்கொலை வழக்கில் விட்டனேரியை சேர்ந்த சம்பத் மகன் ரமேஷ் 29, என்பவர் மீது வழக்கு பதிந்தனர். இந்த முன்பகை காரணமாக நேற்று மதியம் 1:00 மணிக்கு அழகாபுரிக்கு வந்த அருண்குமாரின் நண்பர்கள் செவல்புஞ்சை சம்ஜோஹர்சன் 19, காளையார்கோவில் முத்துக்கூரி மகன் கோகுல கண்ணன் 19, இருவரையும், விட்டனேரி ரமேஷ் 29, ரஞ்சித் 25, வினோத் 25, ஜான்சன் ஆகிய 4 பேரும் கத்தியால் குத்தி கொலை மிரட்டல் விடுத்தனர். காயமுற்ற சம்ஜோஹர்சன், கோகுலகண்ணன் இருவரும் தனியார் மருத்துவமனையில் சேர்த்தனர்.காளையார்கோவில் இன்ஸ்பெக்டர் சீராளன், எஸ்.ஐ., பாண்டி ஆகியோர் ரமேஷ், ரஞ்சித், வினோத்தை கைது செய்தனர்.மணல் திருடிய4 லாரி பறிமுதல்திருப்புத்துார்: நாச்சியார்புரம் அருகே மானகிரி ரோட்டில் அனுமதிசீட்டு இன்றி லாரியில் எம்.சாண்ட் மணல் கடத்துவதாக, போலீசில் சுக்கானேந்தல் வி.ஏ.ஓ., ஜெகஜோதி புகார் செய்தார். இன்ஸ்பெக்டர் புவனேஸ்வரி தலைமையிலான போலீசார் மானகிரி ரோட்டில் ரோந்து சென்ற போது, 4 லாரிகளில் அனுமதி சீட்டு இல்லாமல் எம்.சாண்ட் மணல் ஏற்றி வந்ததாக, சிவகங்கை அருகே கண்டாங்கிபட்டி வீரமணி 35, தேனி மாவட்டம், வடபுதுப்பட்டி மாயாண்டி 45, அம்மச்சியாபுரம் தேவகுமார் 28, புதுக்கோட்டை கருப்பையா 48 ஆகிய 4 பேர் மீதும் வழக்கு பதிந்து, அவர்கள் எடுத்து வந்த 4 லாரியை பறிமுதல் செய்தனர்.வாலிபருக்கு வெட்டுசிவகங்கை: சிவகங்கை அருகே மானாகுடி தர்மராஜ் மகன் சுரேஷ் 26. இவர் நேற்று மதியம் 1:15 மணிக்கு டூவீலரில் சிவகங்கை அருகே பனங்காடி ரோட்டில் சென்றார். அங்கு கார் மற்றும் டூவீலரில் வீச்சரிவாளுடன் வந்த 5 பேர், ரோஸ்நகர் மாரியம்மன் கோயில் எதிரே வழிமறித்து வெட்டி விட்டு தப்பினர். தலை, முதுகு உட்பட பல்வேறு இடங்களில் வெட்டுக்காயமடைந்த சுரேசை ஆபத்தான நிலையில் மதுரை அரசு மருத்துவமனையில் சேர்த்துள்ளனர்.இன்ஸ்பெக்டர் சுரேஷ்குமார், எஸ்.ஐ., சங்கர் விசாரிக்கின்றனர்.