மல்லையா மீதான திவால் நடவடிக்கை; லண்டன் கோர்டில் வக்கீல்கள் அப்பீல்

Updated : டிச 20, 2020 | Added : டிச 20, 2020 | கருத்துகள் (4)
Share
Advertisement
லண்டன்: விஜய் மல்லையா மீதான திவால் நடவடிக்கை தொடர்பாக, லண்டன் நீதிமன்றம் பிறப்பித்த உத்தரவை எதிர்த்து, வங்கிகள் கூட்டமைப்பு, மேல் முறையீடு செய்துள்ளன.கிங் பிஷர் குழும நிறுவனங்களின் தலைவரான மல்லையா. ஸ்டேட் வங்கி உள்ளிட்ட, 12 பொதுத்துறை வங்கிகளில்,10 ஆயிரம் கோடி ரூபாய்க்கு மேல் கடன் வாங்கிவிட்டு, திருப்பி செலுத்தாமல், ஐரோப்பிய நாடான பிரிட்டன் தலைநகர் லண்டனுக்கு

லண்டன்: விஜய் மல்லையா மீதான திவால் நடவடிக்கை தொடர்பாக, லண்டன் நீதிமன்றம் பிறப்பித்த உத்தரவை எதிர்த்து, வங்கிகள் கூட்டமைப்பு, மேல் முறையீடு செய்துள்ளன.



latest tamil news


கிங் பிஷர் குழும நிறுவனங்களின் தலைவரான மல்லையா. ஸ்டேட் வங்கி உள்ளிட்ட, 12 பொதுத்துறை வங்கிகளில்,10 ஆயிரம் கோடி ரூபாய்க்கு மேல் கடன் வாங்கிவிட்டு, திருப்பி செலுத்தாமல், ஐரோப்பிய நாடான பிரிட்டன் தலைநகர் லண்டனுக்கு சென்று விட்டார்.இது தொடர்பாக அவர் மீது சி.பி.ஐ.,யும், அமலாக்கப்பிரிவு இயக்குனரகமும் இந்திய கோர்ட்டுகளில் வழக்குகள் தாக்கல் செய்து, அவை நிலுவையில் உள்ளன. இவர் தேடப்படும் குற்றவாளியாக உச்ச நீதிமன்றத்தால் அறிவிக்கப்பட்டுள்ளார்.

இந்நிலையில், கடன் தொகையை வட்டியுடன் வசூலிக்க ஏதுவாக, விஜய் மல்லையா மீது, 12 பொதுத்துறை வங்கிகளின் கூட்டமைப்பு, லண்டனில் உள்ள தலைமை திவால் நடவடிக்கை மற்றும் கம்பெனி கோர்ட்டில் வழக்கு தொடுத்துள்ளன. இந்த வழக்கை விசாரித்த நீதிபதி மைக்கேல் பிரிக்ஸ், கடந்த ஏப்ரலில் உத்தரவு பிறப்பித்தார்.அதில், 'இந்திய உச்ச நீதிமன்றத்தில், மல்லையா தொடர்ந்த வழக்கு மற்றும் கடனை திருப்பி செலுத்துவதற்கான திட்டம் குறித்து, கர்நாடக உயர் நீதிமன்றத்தில் அவர் தொடர்ந்துள்ள வழக்கு ஆகியவற்றில் உத்தரவு வரும் வரை, கடனை திருப்பி செலுத்துவதற்கு அவகாசம் வழங்க வேண்டும்' எனக் கூறியிருந்தார்.


latest tamil news


நீதிபதியின் இந்த உத்தரவை எதிர்த்து, வங்கிகள் கூட்டமைப்பு, மனு தாக்கல் செய்தன. இந்த மனு மீதான விசாரணை, நீதிபதி மைக்கேல் பிரிக்ஸ் முன்னிலையில், 'வீடியோ கான்பரன்ஸ்' வாயிலாக நேற்று நடந்தது.'டிபாசிட்'வங்கிகள் கூட்டமைப்பு சார்பில் ஆஜரான வழக்கறிஞர், 'மல்லையா மீது திவால் நடவடிக்கை எடுக்க, வங்கிகள் கூட்டமைப்புக்கு உரிமை உள்ளது' என்றார்.மல்லையா சார்பில் ஆஜரான வழக்கறிஞர், 'மல்லையா, வாங்கிய கடனை வட்டியுடன் திருப்பி செலுத்துவதாக, பலமுறை உறுதியளித்துள்ளார்.

எனவே, அவர் மீது, திவால் நடவடிக்கை எடுக்க கூடாது' என்றார்.இதற்கு வங்கிகள் கூட்டமைப்பு வழக்கறிஞர், 'வட்டியுடன் கடனை திருப்பி செலுத்துவதாக மல்லையா வெறும் வாய் வார்த்தையாக தான் கூறுகிறார். பணத்தை, 'டிபாசிட்' செய்துவிட்டு பேசட்டும்' என்றார்.விசாரணை, அடுத்த மாதத்துக்கு ஒத்திவைக்கப்பட்டது.


Advertisement




வாசகர் கருத்து (4)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
vnatarajan - chennai,இந்தியா
20-டிச-202016:54:40 IST Report Abuse
vnatarajan மல்லையாவை மட்டும் குறை சொன்னால் போதாது அவருக்கு கடன்கொடுப்பதற்கு முன்னால் வங்கி அதிகாரிகள் கடன் செக்கூரிட்டிக்காக தேவையான முன்னெச்சரிக்கையுடன் லோன் அப்ப்ளிகேஷனை ப்ரோஸெஸ் செய்தார்களா மேலும் கடன் கொடுத்தபிறகு கணக்கில் தவறு நடந்திருந்தால் அதை வாங்கி ஆடிடோர்ஸ் தங்கள் ஆடிட் ரிப்போர்ட்டில் சுட்டிக்காட்டியிருந்தார்களா அப்படி சுட்டிக்காட்டியதை வாங்கி அதிகாரிகள் மல்லய்யாவின் கவனத்திற்கு எழுத்துமூலம் உடனே தெரிவித்து பணத்தை வசூல் செய்ய தேவையான நடவடிக்கைகளை எடுத்தார்களா இல்லை தாமதமாக நடவடிக்கை எடுத்தார்களா . மேலும் சாச்சுடரி ஆடிட் ரிசர்வ் வாங்கி ஆடிட் என்ன ரிப்போர்ட் கொடுத்தார்கள் என்பதை மக்கள் தெரிந்துகொள்ள ஆவலாக இருக்கிறார்கள்
Rate this:
Cancel
vnatarajan - chennai,இந்தியா
20-டிச-202016:38:23 IST Report Abuse
vnatarajan அயல்நாட்டிற்கு ஓடிப்போன இந்திய குற்றவாளிகளை இந்தியாவிற்கு திருப்பி அனுப்ப இருநாடுகளுக்குள்ளும் ஏற்படுத்திக்கொண்ட ஒப்பந்த பாத்திரத்தில் உள்ள ஷரத்துக்களை மக்களுக்கு தெரிவிக்க மத்திய அரசாங்கம் வெளியிடவேண்டும்
Rate this:
Cancel
Mani . V - Singapore,சிங்கப்பூர்
20-டிச-202007:45:15 IST Report Abuse
Mani . V போகிற போக்கை பார்த்தால் அவர் ஏமாற்றி விட்டு போன தொகையை விட, அவர் மீது நடவடிக்கை எடுக்க செலவு செய்த தொகை அதிகமாகி விடப்போகிறது.
Rate this:
natarajan s - chennai,இந்தியா
20-டிச-202010:24:15 IST Report Abuse
natarajan sஆமாம் இப்படித்தான் போபோர்ஸ் ஊழலில் கமிஷன் தொகையை விட அந்த வழக்குக்கு அதிகம் செலவிடப்பட்டது. கடைசியில் வழக்கு திரும்ப பெற பட்டது. நாம் இங்கிலாந்து சட்டத்தின் படித்தான் நமது சட்டத்தையும் அமைத்து இருப்பதால் இரண்டு நாட்டிலும் இதுமாதிரி ஜவ்வு தான் ....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X