செஞ்சி : விழுப்புரம், கடலுார் மாவட்டத்தில் மக்கள் நீதி மய்யம் கட்சி சார்பில் நடைபெற உள்ள 'தமிழகத்தை சீரமைப்போம்' நிகழ்ச்சிகளில் கட்சியினர் திரளாக பங்கேற்க, கட்சியின் விழுப்புரம் மண்டல மாநிலச் செயலாளர் ஸ்ரீபதி அழைப்பு விடுத்துள்ளார்.
அவரது அறிக்கை:
மக்கள் நீதி மய்யம் கட்சித் தலைவர் கமல்ஹாசன் விழுப்புரம், கடலுார் மாவட்டங்களில் இரண்டு நாள் சுற்றுப்பயணமாக 'தமிழகத்தை சீரமைப்போம்' நிகழ்ச்சியில் பங்கேற்று பொதுமக்கள் மத்தியில் சிறப்புரையாற்ற உள்ளார். நாளை 21ம் தேதி பகல் 12:30 மணிக்கு செஞ்சி கூட் ரோட்டிலும், 2:30 மணிக்கு செஞ்சி வள்ளி அண்ணாமலை திருமண மாளிகையிலும் பேசுகிறார்.தொடர்ந்து, 22ம் தேதி காலை 9:00 மணிக்கு கண்டாச்சிபுரம் கூட்ரோடு. 11:00 மணிக்கு விழுப்புரம் யோகலட்சுமி மஹால். மதியம் 12:00 மணிக்கு நெல்லிக்குப்பம் நகர். 2:30 மணிக்கு கடலுார் திவான் பகதுார் சுப்பராயலு ரெட்டியார் திருமண மண்டபம்.மாலை 5:00 மணிக்கு திருச்சிற்றம்பலம் கூட்ரோடு ஓட்டல் கிராண்ட் செரினா. மாலை 6:00 மணிக்கு திண்டிவனம் ஐஸ்வர்யா பவன் (ஓட்டல் ஆரியாஸ் அருகில்) நடக்கும் நிகழ்ச்சிகளில் பங்கேற்று உரையாற்றுகிறார்.கட்சி நிர்வாகிகள், தொண்டர்கள், பொதுமக்கள் அனைவரும் கமல்ஹாசனின் கரங்களை வலுப்படுத்த திரளாக பங்கேற்குமாறு கேட்டுக் கொள்கிறேன்.
இவ்வாறு அறிக்கையில் கூறப்பட்டுள்ளது.