கடலுார் : கடலுார், விழுப்புரம் மாவட்டங்களில் மக்கள் நீதி மையம் கட்சி தலைவர் கமல்ஹாசன் பங்கேற்கும் 'தமிழகத்தை சீரமைப்போம்' நிகழ்ச்சியில் தொண்டர்கள் திரளாக பங்கேற்க அக்கட்சியின் மாநில பொறியாளர் அணி செயலர் டாக்டர் வைத்தீஸ்வரன் கூறியுள்ளார்.

அவரது அறிக்கை:மக்கள் நீதி மையம் கட்சித் தலைவர் கமல்ஹாசன் கடலுார், விழுப்புரம் மாவட்டங்களில் 2 நாள் சுற்றுப் பயணமாக 'தமிழகத்தை சீரமைப்போம்' என்ற தலைப்பிலான நிகழ்ச்சியில் பங்கேற்று பொதுமக்கள் மத்தியில் பேசுகிறார். இன்று (21ம் தேதி) பகல் 12:30 மணிக்கு செஞ்சி கூட்ரோடு, 2:30 மணிக்கு செஞ்சி வள்ளி அண்ணாமலை திருமண மாளிகையிலும் பேசுகிறார்.நாளை 22ம் தேதி காலை 9:00 மணிக்கு கண்டாச்சிபுரம் கூட்ரோடு, 11:00 மணிக்கு விழுப்புரம் யோகலட்சுமி மகால், 12:00 மணிக்கு நெல்லிக்குப்பம் நகர், மதியம் 2:30 மணிக்கு கடலுார் சுப்ராயலு ரெட்டியார் திருமண மண்டபம், மாலை 5:00 மணிக்கு திருச்சிற்றம்பலம் கூட்ரோடு ஓட்டல் கிராண்ட் செரினா, 6:00 மணிக்கு திண்டிவனம் ஐஸ்வர்யா பவன் (ஓட்டல் ஆரியாஸ் அருகில்) நடக்கும் நிகழ்ச்சிகளில் பேசுகிறார்.நிகழ்ச்சியில் கட்சி நிர்வாகிகள், தொண்டர்கள், பொது மக்கள் திரளாக பங்கேற்க வேண்டும்.இவ்வாறு அறிக்கையில் கூறப்பட்டுள்ளது.