பந்தலுார்:பந்தலுார் அருகே, சேரம்பாடி வனச்சரக பகுதியில் ஒற்றை கொம்பன் யானை, மூன்று பேரை, தாக்கி கொன்றது. அதனையடுத்து, கடந்த, 15-ம் தேதி முதல் யானை பிடிக்கும் பணியில் வனத்துறையினர் ஈடுபட்டுள்ளனர். இந்நிலையில், யானை பிடிக்கும் பணியில் ஈடுபட்டுள்ள யானை பாகன்கள் இணைந்து, 'கும்கிகளுக்கு எந்த பாதிப்பும் ஏற்படகூடாது,' என்ற பிரார்த்தனையுடன், சின்கோனா மாரியம்மன் கோவிலில் சிறப்பு பூஜை செய்து வழிபட்டனர்.