கோயம்பேடு = கோயம்பேடு மார்க்கெட்டில் வரத்து குறைந்ததால், முருங்கைக்காய் விலை சதம் அடித்து உள்ளது.கோயம்பேடு மார்க்கெட்டிற்கு, பெரம்பலுார், ஒட்டன்சத்திரம், தேனி, நெல்லை, விருத்தாசலம் உள்ளிட்ட பகுதிகளில் இருந்து, முருங்கைக்காய் வரத்து உள்ளது.மார்ச் முதல் செப்டம்பர் வரை முருங்கைக்காய் சீசன் உள்ளது.தற்போது, முருங்கைக்காய் சீசன் முடிந்ததால், மார்க்கெட்டிற்கு வரத்து குறைந்துள்ளது.இதையடுத்து, குஜராத் மாநிலத்தில் இருந்து, ரயிலில் முருங்கைக்காய் கொண்டு வரப்படுகிறது. தினமும், 10 -- 12 டன் முருங்கைக்காய் வரத்து உள்ளது.இந்நிலையில், நேற்று முன்தினம், கிலோ, 70 ரூபாய்க்கு விற்பனையான முருங்கைக்காய் நேற்று கிலோ, 100 ரூபாய்க்கு விற்பனையானது.பொங்கலில் முருங்கைக்காய் விலை இன்னும் அதிகரிக்கும் என, வியாபாரிகள் தெரிவித்தனர்.