பெ.நா.பாளையம்:கோவை தேயிலை ஏல மையத்தில், இரண்டு லட்சத்து, 85 ஆயிரத்து, 71 கிலோ ஏலம் போனது.கோவை -- மேட்டுப்பாளையம் சாலையில் உள்ள, கோவை தேயிலை ஏல மையத்தில், வாரந்தோறும் இணையதளம் வாயிலாக ஏலம் நடத்தப்படும். இதில், சர்வதேச அளவில் உள்ள ஏலதாரர்கள் பங்கேற்பர்.இந்த வாரம் நடந்த தேயிலைத்துாள் ஏலத்துக்கு, இரண்டு லட்சத்து, 13 ஆயிரத்து, 69 கிலோ 'டஸ்ட்' ரக தேயிலைத்துாள் வந்தது. அதில், ஒரு லட்சத்து, 70 ஆயிரத்து, 8 கிலோ தேயிலைத்துாள் ஏலம் போனது. இது, 80 சதவீதமாகும். சராசரி ஏலமதிப்பு, கிலோவுக்கு, 140 ரூபாய், 33 காசுகளாக இருந்தது.இலை ரகம், ஒரு லட்சத்து, 54 ஆயிரத்து, 47 கிலோ வந்தது. இதில், ஒரு லட்சத்து, 15 ஆயிரத்து, 63 கிலோ ஏலம் போனது. இது, 75 சதவீதமாகும். சராசரி ஏல மதிப்பு, ஒரு கிலோவுக்கு, 115 ரூபாய், 15 காசுகளாக இருந்தது என, கோவை தேயிலை ஏல மைய செயலாளர் ஸ்ரீகுமார் தெரிவித்தார்.