சம்பவம் செய்தி

தமிழ்நாடு

ரூ.40.50 லட்சம் 'ஆட்டை' போட்ட நைஜீரிய வாலிபர் மும்பையில் கைது

Added : டிச 25, 2020
Share
Advertisement
சென்னை; சென்னையைச் சேர்ந்த தொழில் அதிபரிடம், 40.50 லட்சம் ரூபாய் மோசடி செய்த, நைஜீரிய வாலிபரை, மத்திய குற்றப்பிரிவு போலீசார், மும்பையில் கைது செய்தனர். சென்னை, கீழ்ப்பாக்கத்தைச் சேர்ந்தவர் ஜோசப்; தொழில் அதிபர். இவர் போலீஸ் கமிஷனர் அலுவலகத்தில் அளித்து உள்ள புகார்:நான் விலை உயர்ந்த, பஞ்சு மெத்தை வியாபாரத்தில் ஈடுபட்டு வருகிறேன். சமூக வலைதளமான, 'பேஸ்புக்' வாயிலாக, 2019ல்

சென்னை; சென்னையைச் சேர்ந்த தொழில் அதிபரிடம், 40.50 லட்சம் ரூபாய் மோசடி செய்த, நைஜீரிய வாலிபரை, மத்திய குற்றப்பிரிவு போலீசார், மும்பையில் கைது செய்தனர். சென்னை, கீழ்ப்பாக்கத்தைச் சேர்ந்தவர் ஜோசப்; தொழில் அதிபர். இவர் போலீஸ் கமிஷனர் அலுவலகத்தில் அளித்து உள்ள புகார்:நான் விலை உயர்ந்த, பஞ்சு மெத்தை வியாபாரத்தில் ஈடுபட்டு வருகிறேன். சமூக வலைதளமான, 'பேஸ்புக்' வாயிலாக, 2019ல் லண்டனைச் சேர்ந்த எலிசபெத் என்பவர், தொழில் அதிபர் என, அறிமுகமானார்.'என்னுடன் சேர்ந்து, ரத்த புற்றுநோயை குணப்படுத்தும், 'போலிக் ஆயில்' ஏற்றுமதி தொழிலில் ஈடுபட முடியுமா? இந்த தொழிலில், 10 லட்சம் ரூபாய் முதலீடு செய்தால், 20 லட்சம் ரூபாய் சம்பாதிக்கலாம்' என, கூறினார்.'போலிக் ஆயில்'பின், இதுதொடர்பாக, மும்பையைச் சேர்ந்த, சுனிதா என்பவரின் மொபைல் போன் எண்கள் மற்றும் 'இ - மெயில்' முகவரி விபரங்களை அனுப்பினார்.சுனிதா, மும்பையில், 'ஸ்டார் என்டர்பிரைசஸ்' என்ற நிறுவனத்தை நடத்தி வருகிறார். இவர், 'போலிக் ஆயில் ஏற்றுமதி தொழிலில் ஈடுபட்டு வருகிறார். முதற்கட்டமாக, சுனிதாவிடம், 20 லிட்டர் போலிக் ஆயில் கொள்முதல் செய்ய வலியுறுத்தினார். அதன்படி, சுனிதாவிடம், 'ஆன்லைன்' வாயிலாக, 20 லிட்டர் போலிக் ஆயில் கொள்முதல் செய்தேன்.அதன் பின், லண்டனில் உள்ள, எலிசபெத் அனுப்பியதாக, இரண்டு பேர் என்னை தொடர்பு கொண்டனர். ஆயில் தரம் குறித்து ஆய்வு செய்ய வந்திருப்பதாக, சென்னை விமான நிலையம் அருகே அழைத்தனர். ஒரு பாட்டிலில் எடுத்துச் சென்ற ஆயிலை சோதித்தனர்.இதையடுத்து, எலிசபெத் என்னை தொடர்பு கொண்டார். 'உங்களிடம் இருக்கும் ஆயில் முதல் தரமானது' என, ஆய்வில் தெரிய வந்துள்ளது. உடனடியாக, சுனிதாவிடம், 40.50 லட்சம் ரூபாய்க்கு, 150 லிட்டர் போலிக் ஆயில் கொள்முதல் செய்யவும். 'பேஸ்புக்' கமிஷன் தொகையுடன், உங்கள் வங்கி கணக்கிற்கு, 80 லட்சம் ரூபாய் அனுப்பி வைக்கிறேன். அதுவரை, 'போலிக் ஆயில்' சுனிதாவிடம் இருக்கட்டும் என, கூறினார்.அவரை நம்பி, சுனிதாவின், ஐந்து வங்கி கணக்குகளில், 10 தவணைகளாக, 40.50 லட்சம் ரூபாய் அனுப்பினேன். கமிஷன் தொகையுடன், 80 லட்சம் ரூபாய் அனுப்புவதாக கூறிய எலிசபெத், தொடர்பை துண்டித்துவிட்டார். சுனிதாவையும் தொடர்பு கொள்ள முடியவில்லை. திட்டமிட்டு நுாதன முறையில் என்னிடம், 40.50 லட்சம் ரூபாயை மோசடி செய்துவிட்டனர்.இவ்வாறு, அதில் கூறப்பட்டுள்ளது.இது குறித்து, சென்னை மத்திய குற்றப்பிரிவு சைபர் கிரைம் இன்ஸ்பெக்டர் வினோத்குமார் தலைமையிலான போலீசார் விசாரித்தனர்.அப்போது, டில்லி மற்றும் மும்பையில் தங்கி உள்ள, நைஜீரியாவைச் சேர்ந்த கும்பல், 'பேஸ்புக்' வாயிலாக, தொழில் அதிபர்களை குறிவைத்து, மோசடியில் ஈடுபடுவது தெரியவந்தது.இதையடுத்து, ஜோசப்பிடம் மோசடி செய்த, நைஜீரியாவைச் சேர்ந்த புல்ஜென்ஸ் க்வாடியோ, 27, என்பவரை, மத்திய குற்றப்பிரிவு போலீசார், மும்பையில் நேற்று முன்தினம் கைது செய்தனர்.இவரை, நேற்று விமானம் வாயிலாக சென்னைக்கு அழைத்து சென்று, புழல் சிறையில் அடைத்துள்ளனர். மும்பையில் முகாமிட்டு, எலிசபெத் மற்றும் சுனிதா போல நடித்தவர்கள், மற்றும் ஆயிலை ஆய்வு செய்தோரை, தேடி வருகின்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X