மதுரை : ''புத்தாண்டு பண்டிகையையொட்டி தற்காலிக பட்டாசு உரிமம் கோருபவர்கள் இணைய வழியில் விண்ணப்பித்து பெறலாம்,'' என கலெக்டர் அன்பழகன் தெரிவித்தார்.

அவர் கூறியதாவது: வெடிபொருள் சட்டம் 1884 மற்றும் வெடிபொருள் விதிகள் 2008 ன் கீழ் குறிப்பிட்டுள்ள நடைமுறைகளை பின்பற்றி அரசு பொது இ சேவை மையம் மூலம் மாவட்டத்தில் தற்காலிக பட்டாசு உரிமம் பெற விண்ணப்பிக்கலாம். கடை வரைபடம் (ஆறு நகல்), கிரைய ஆவணம் (அசல் மற்றும் 5 ஒளிநகல்), உரிமம் கட்டணம் ரூ.500 செலுத்தியதற்கான ரசீது(அசல்), முகவரி சான்று(பான் கார்டு, ஆதார் அட்டை, ஸ்மார்ட் கார்டு), உள்ளாட்சி ரசீது, இரு பாஸ்போர்ட் போட்டோக்களுடன் மனு செய்ய வேண்டும், என்றார்.