திண்டுக்கல் : திண்டுக்கல்லில் கிசான் திட்டத்தின் அடுத்த தவணையை, பிரதமர் மோடி காணொலி காட்சி வாயிலாக துவங்கி வைத்தார்.

பிரதமரின் கிசான் திட்டத்தில் விவசாயிகளுக்கு 3 தவணையாக தலா ரூ.2 ஆயிரம் வீதம் ஆண்டுக்கு ரூ.6000 வழங்கப்படுகிறது. நேற்று அடுத்த தவணை நிதியை பிரதமர் மோடி, காணொலி காட்சி வாயிலாக துவங்கி வைத்தார். இதற்காக, வட்டார வேளாண் அலுவலகங்களில் ஏற்பாடு செய்திருந்தனர்.பிரதமர் ஒரு பட்டனை அழுத்தியதும் நாடு முழுவதும் 9 கோடி விவசாயிகளுக்கும் ரூ.18 ஆயிரம் கோடி நிதி அவர்களின் வங்கி கணக்கிற்கு சென்றடைந்தது. நிகழ்ச்சியில் விவசாயிகளுடன் பிரதமர் உரையாடினார்.

திண்டுக்கல் வேளாண் அலுவலகத்தில் உதவி இயக்குனர் நாகேந்திரன் தலைமை வகித்தார். வேளாண் அலுவலர்கள் செல்விஹர்சனா, நாகராஜ், ஒருங்கிணைப்பாளர் கோபி பங்கேற்றனர்.