கோவை:கோவை மாவட்ட கூட்டுறவு பால் உற்பத்தியாளர்கள் ஒன்றிய, 36வது சிறப்பு பொதுப் பேரவை கூட்டம், பச்சாபாளையத்தில் நேற்று நடந்தது.ஆவின் தலைவர் ராஜூ தலைமை வகித்து பேசுகையில், ''தமிழகத்திலே தலைசிறந்த ஒன்றியமாக கோவை ஆவின் திகழ்கிறது. அரசின் தொலைநோக்கு திட்டத்தால் தினமும், 5 லட்சம் லிட்டர் பாலை கையாளும் திறனுடன் செயல்பட்டுவருகிறது. திருப்பூர் பாலையும் சேர்த்து நாளொன்றுக்கு, 3 லட்சம் லிட்டர் பால் பதப்படுத்தப்படுகிறது. ''மக்களிடையே ஆவின் பால் துாயது, புதியது, சுகாதாரமானது என்ற நம்பிக்கையை, ஆழமாக விதைத்துள்ளோம். கொரோனா சமயத்தில் மக்கள் தேவையை தீர்ப்பதில், ஆவின் சிறந்த பங்காற்றியுள்ளது,'' என்றார்.ஆவின் பொது மேலாளர் ரவிக்குமார் உட்பட பலர் பங்கேற்றனர்.