சென்னை : உலகின் எடை குறைந்த செயற்கைக் கோளை வடிவமைத்து, சாதனை புரிந்த மாணவர் ரியாஸ்தீனுக்கு, முதல்வர் மற்றும் துணை முதல்வர் பாராட்டு தெரிவித்துள்ளனர்.

முதல்வர் தன் வாழ்த்து செய்தியில், 'உலகின் எடை குறைந்த, செயற்கைக் கோளை வடிவமைத்து, சாதனை புரிந்து, தமிழகத்திற்கும், இந்தியாவிற்கும் பெருமை சேர்த்துள்ள, தஞ்சையை சேர்ந்த, மாணவர் ரியாஸ்தீனுக்கு வாழ்த்துகள். இதை நாசா, 2021ல் விண்ணில் ஏவ இருப்பது, கூடுதல் பெருமிதமும், மகிழ்ச்சியும் அளிக்கிறது' என, கூறி உள்ளார்.துணை முதல்வர் பன்னீர்செல்வம், 'உலக அரங்கில், இந்தியாவிற்கும், தமிழகத்திற்கும் பெருமை சேர்த்து உள்ள, தஞ்சையை சேர்ந்த மாணவர் ரியாஸ்தீனுக்கு, மனமார்ந்த பாராட்டுக்கள்' என தெரிவித்து உள்ளார்.