மூங்கில்துறைப்பட்டு: மூங்கில்துறைப்பட்டில் அனைத்து வியாபாரிகள் சங்க 27ம் ஆண்டு துவக்க விழா மற்றும் புதிய நிர்வாகிகள் பதவியேற்பு விழா நடந்தது.விழாவிற்கு, வியாபாரிகள் சங்க முன்னாள் தலைவர் சீனுவாசன் தலைமை தாங்கினார். விழுப்புரம் மாவட்டத் தலைவர் கண்ணன், பொருளாளர் முத்துக்கருப்பன், மாநில இணைச் செயலாளர் மகாலிங்கம் முன்னிலை வகித்தனர். சங்க ஆலோசகர் ராஜாராம் வரவேற்றார்.சிறப்பு அழைப்பாளராக தமிழ்நாடு அனைத்து வியாபாரிகள் சங்க மாநிலத் தலைவர் வெள்ளையன் சிறப்புரையாற்றினார்.தொடர்ந்து, 2021ம் ஆண்டின் தலைவராக சீனுவாசன், செயலாளராக சரவணன், பொருளாளராக செல்வராஜ், துணைத் தலைவராக சான்கான், துணைச் செயலாளராக பாலு, அமைப்புச் செயலாளராக ஆல்பர்ட், தொகுதி செயலாளராக சங்கர், சீனுவாசன், சங்க ஆலோசகராக அருள்ஜோதி, முகநுால் அறிவிப்பாளராக சேகர், சட்ட ஆலோசகராக விஜயஆனந்த், மாவட்ட இணைச்செயலாளராக சந்திரசேகர் உட்பட அனைத்து நிர்வாகிகளும் பதவியேற்றனர்.பொருளாளர் செல்வராஜ் நன்றி கூறினார்.