கள்ளிக்குடி :கள்ளிக்குடி அருகே கே.வெள்ளாகுளம் வெற்றிவேல் நகர் வீடுகளின் கழிவு நீர் வெளியேற பாதை வசதியின்றி ரோடுகளில் விடப்படுகிறது. மழை நீர் குளம்போல் தேங்கி கிடக்கிறது. இதனால் இப்பகுதி துர்நாற்றம் வீசுவதோடு, கொசு உற்பத்தி மையமாகவும் உள்ளது. ஊராட்சி ஒன்றிய அதிகாரிகளிடம் பலமுறை தெரிவித்தும் நடவடிக்கை இல்லை. மாவட்ட நிர்வாகம் நடவடிக்கை எடுக்க வேண்டும்.