கள்ளக்குறிச்சி : கள்ளக்குறிச்சி அருகே மதுபோதையில் பெண்ணிடம் தகராறு செய்து தாக்கிய இருவரை போலீசார் கைது செய்தனர்.

கள்ளக்குறிச்சி கருணாபுரம் கொடியரசு மனைவி மணிமேகலை,32; சின்னசேலத்தில் எலக்ட்ரீசியன் கடையில் வேலை செய்யும் இவர், நேற்று முன்தினம் பணிமுடிந்து மாலை 6.40 மணியளவில் வீட்டிற்கு சென்றுள்ளார். கள்ளக்குறிச்சி பஸ் நிலையத்திலிருந்து நடந்து சென்றபோது மதுபோதையில் சூளாங்குறிச்சி காலனியை சேர்ந்த மணிவேல் மகன் தங்க பாண்டியன்,32; தகரை சேர்ந்த பாஸ்கர் மகன் விக்னேஷ்,28; ஆகியோர் மணிமேகலை மீது மோதியுள்ளனர்.

இது குறித்து கேட்ட மணிமேகலை, அவரது கணவரை, இருவரும் சேர்ந்து திட்டி தாக்கியுள்ளனர்.புகாரின் பேரில் கள்ளக்குறிச்சி போலீசார் தங்கபாண்டியன், விக்னேஷ் மீது வழக்குப் பதிந்து கைது செய்தனர்.