முதல்வர் பெயர் என்ன?
காஞ்சிபுரம் மாவட்டம், ஸ்ரீபெரும்புதுார் ஒன்றியம், மாத்துார் ஊராட்சியில், 'அம்மா மினி கிளினிக்' திறப்பு விழா, சமீபத்தில் நடந்தது. இந்நிகழ்ச்சியில், 50க்கும் மேற்பட்ட முதியோர் பங்கேற்றனர்.ஸ்ரீபெரும்புதுார் அ.தி.மு.க., - எம்.எல்.ஏ., பழனி பேசுகையில், 'தமிழக முதல்வர் யார்?' என, கேள்வி எழுப்பினார்.அங்கிருந்தோர், 'பழனிசாமி' என, பதிலளித்தனர். உடனே பழனி, 'முதல்வர் பெயரை சரியாக சொன்னதால், உங்கள் அனைவருக்கும் முதியோர் உதவித்தொகை உடனடியாக கிடைக்க நடவடிக்கை எடுக்கப்படும்' என்றார்.
அங்கிருந்த இளம் நிருபர், 'தமிழகத்தில் யார் ஆட்சி நடத்துவது என, மக்களுக்கு சந்தேகம் இருக்கு... அதனால தான், எம்.எல்.ஏ., இப்படி கேள்வி கேட்குறார் போல...' என்றார்.
அருகிலிருந்த மூத்த நிருபர், 'இவருக்கு, இந்த முறை சீட் கிடைக்கிறது கஷ்டம் தான்...' என்றதும், சுற்றியிருந்தோர் சிரித்தனர்.
தினமலர் டெலிகிராம் சேனலில் பார்க்கலாம் Click here to join
Telegram Channel for FREE
