தாம்பரம் - வெவ்வேறு இடங்களில், ரயில்களில் அடிபட்டு, பெண் உட்பட இருவர் பலியாகினர்.சென்னை அடுத்த வண்டலுார், லோகாம்பாள் தெருவைச் சேர்ந்தவர், முத்து, 57. இவர், நேற்று காலை, கிண்டி சென்றுவிட்டு, வண்டலுார் திரும்பினார்.பெருங்களத்துார், இரணியம்மன் கோவில் எதிரே, காலை, 9:30 மணியளவில், ரயில்வே தண்டவாளத்தை கடக்க முயன்றபோது, செங்கல்பட்டில் இருந்து தாம்பரம் நோக்கி சென்ற, மின்சார ரயிலில் அடிபட்டு பலியானார். கூடுவாஞ்சேரி, ஜே.பி.நகரைச் சேர்ந்தவர், தாமோதரன், 75. இவர், கூடுவாஞ்சேரி ரயில் நிலையம் எதிரே, ஏரிக்கரையை ஒட்டி, நேற்று காலை, 11:30 மணியளவில், இயற்கை உபாதை கழித்து, ரயில் தண்டவாளத்தை கடக்க முயன்றார்.அப்போது, எதிரே வந்த ரயிலில் அடிபட்டு, சம்பவ இடத்திலேயே பலியானார். இந்த இரு சம்பவங்கள் குறித்தும், தாம்பரம் ரயில்வே போலீசார் விசாரிக்கின்றனர்.