சென்னை:முதல்வர் பழனிசாமி, இன்று ராமநாதபுரத்தில், தேர்தல் பிரசாரம் செய்கிறார். அ.தி.மு.க., சார்பில், முதல்வர் பழனிசாமி., டிசம்பர், 19ல், சேலம் மாவட்டத்தில், தன் தொகுதியான, இடைப்பாடியில் பிரசாரத்தை துவக்கினார். 27ம் தேதி, சென்னையில் தேர்தல் பிரசார முதல் பொதுக்கூட்டம் நடந்தது.

அதைத் தொடர்ந்து, நாமக்கல் மற்றும் திருச்சி மாவட்டத்தில், முதல்வர் பிரசாரம் செய்தார். சென்னையில் இருந்து விமானத்தில், மதுரை சென்றார். இன்று, ராமநாதபுரம் மாவட்டத்தில் உள்ள, பரமக்குடி, திருவாடானை, ராமநாதபுரம், முதுகுளத்துார் சட்டசபை தொகுதிகளில், பிரசாரம் செய்ய உள்ளார். நாளை மற்றும் நாளை மறுதினம், துாத்துக்குடி மாவட்டத்தில் உள்ள, சட்டசபை தொகுதிகளில் பிரசாரம் செய்கிறார்.