ஊத்துக்கோட்டை : எல்லாபுரம் ஒன்றியம், திருக்கண்டலம் கிராமத்தில் மினி கிளினிக் திறப்பு விழா நிகழ்ச்சி, மாவட்ட சுகாதார துறை துணை இயக்குனர் ஜவஹர்லால் தலைமையில் நடந்தது.ஊராட்சி மன்ற தலைவர் மதன் வரவேற்றார். கும்மிடிப்பூண்டி எம்.எல்.ஏ., விஜயகுமார், மினி கிளினிக்கை திறந்து வைத்து பேசியதாவது:

திருக்கண்டலம் மற்றும் சுற்றியுள்ள கிராமங்களைச் சேர்ந்த மக்கள், இனி, மருத்துவ தேவைக்கு, ஊத்துக்கோட்டை, பெரியபாளையம் செல்ல வேண்டாம். இங்கேயே சிகிச்சை பெறலாம்.சர்க்கரை, ரத்த அழுத்தம் உள்ளிட்ட நோய்களுக்கு சிகிச்சை பெறுபவர்கள், மேற்கண்ட மினி கிளினிக்கில் மாத்திரை பெற்றுக் கொள்ளலாம்.இவ்வாறு அவர் பேசினார்.