பொது செய்தி

தமிழ்நாடு

5 லட்சம் விவசாயிகளுக்கு ரூ.600 கோடி இடுபொருள் நிவாரணம்: முதல்வர் உத்தரவு

Updated : ஜன 02, 2021 | Added : ஜன 02, 2021 | கருத்துகள் (9)
Share
Advertisement
சென்னை: நிவர் மற்றும் புரெவி புயல் காரணமாக பாதிக்கப்பட்டுள்ள 5 லட்சம் விவசாயிகளுக்கு 600 கோடி ரூபாய் இடுபொருள் நிவாரணம் வழங்கப்படும் என முதல்வர் பழனிசாமி தெரிவித்துள்ளார்.இது தொடர்பாக அவர் வெளியிட்ட அறிக்கை: நிவர் மற்றும் புரெவி புயல் காரணமாக, வேளாண் மற்றும் தோட்டகலைப் பயிர்களுக்கு பெருமளவில் சேதம் ஏற்பட்டுள்ளது. நிவர் புயலின் காரணமாக ஏற்பட்ட சேதங்களை தற்காலிகமாக
விவசாயிகள், இடுபொருள், முதல்வர்பழனிசாமி, முதல்வர்பழனிசாமி,

சென்னை: நிவர் மற்றும் புரெவி புயல் காரணமாக பாதிக்கப்பட்டுள்ள 5 லட்சம் விவசாயிகளுக்கு 600 கோடி ரூபாய் இடுபொருள் நிவாரணம் வழங்கப்படும் என முதல்வர் பழனிசாமி தெரிவித்துள்ளார்.

இது தொடர்பாக அவர் வெளியிட்ட அறிக்கை: நிவர் மற்றும் புரெவி புயல் காரணமாக, வேளாண் மற்றும் தோட்டகலைப் பயிர்களுக்கு பெருமளவில் சேதம் ஏற்பட்டுள்ளது. நிவர் புயலின் காரணமாக ஏற்பட்ட சேதங்களை தற்காலிகமாக சீரமைக்க 641.83 கோடி ரூபாயும், நிரந்தரமாக சீரமைக்க 3108.55 கோடி ரூபாயும்., மொத்தம் 3,750.38 கோடி ரூபாய் தேவைப்படும் என மத்திய அரசுக்கு தெரிவிக்கப்பட்டு நிதியுதவி கோரப்பட்டுள்ளது. புரெவி புயல் காரணமாக ஏற்பட்ட சேதங்களை தற்காலிகமாக சீரமைக்க 485 கோடி ரூபாயும், நிரந்தரமாக சீரமைக்க 1,029 கோடி ரூபாயும் ஆக மொத்தம் 1,514 கோடி ரூபாய் தேவைப்படும் என தெரிவித்து மத்திய அரசிடம் நிதியுதவி கோரப்பட்டுள்ளது.


latest tamil news




இந்த புயலால் பாதிக்கப்பட்ட விவசாயிகளுக்கு,
மானாவரி மற்றும் நீர்பாசன வசதி பெற்ற நெற்பயிர்களுக்கும், நீர்பாசன வதி பெற்ற இதர பெயர்களுக்கும் ஹெக்டேர் ஒன்றுக்கு வழங்கப்படும் இடுபொருள் நிவாரணத் தொகையான ரூ.13,500 என்பதை ரூ.20 ஆயிரமாக உயர்த்தியும்

மானாவரி நெற்பயிர் தவிர, அனைத்து மானாவாரி பயிர்களுக்கும் இடுபொருள் நிவாரணத் தொகையான ஹெட்டேர் ஒன்றுக்கு வழங்கப்படும் ரூ.7,410 என்பதை ரூ.10 ஆயிரம் ரூபாயாக உயர்த்தியும்

பல்லாண்டு கால பயிர்களுக்கு இடுபொருள் நிவாரண தொகையாக ஹெக்டேர் ஒன்றுக்கு வழங்கப்படும் ரூ.18 ஆயிரம் என்பதை ரூ.25 ஆயிரமாக உயர்த்தியும் வழங்க உத்தரவிட்டுள்ளேன். இந்த நிவாரண தொகையை தமிழக அரசு வழங்கும்.

மேலும், தேசிய பேரிடர் நிவாரண வழிகாட்டு நெறிமுறைகளின்படி, பாதிப்படைந்த விவசாயிகளுக்கு அதிகபட்சமாக 2 ஹெக்டேர் என்ற அளவில் மட்டுமே இடுபொருள் வழங்க வழிவகை உள்ளது. இந்த பேரிடரில் அனைத்து விவசாயிகளும் தங்களது வாழ்வாதாரத்தை இழந்துள்ள காரணத்தினால் 2 ஹெக்டேர் என்ற உச்சவரம்பை தளர்த்தி பரப்பளவு முழுவதற்கும் உச்சவரம்பின்றி இடுபொருள் நிவாரணம் வழங்கவும் உத்தரவிட்டுள்ளேன்.

இதனை தொடர்ந்து, நிவர் மற்றும் புரெவி புயல்கள் காரணமாக பாதிப்பிற்குள்ளான 3,10,589.63 ஹெக்டேர் பரப்பளவிலான வேளாண் மற்றும் தோட்டக்கலை பயிர்களுக்கு, சுமார் 5 லட்சம் விவசாய பெருமக்களுக்கு 600 கோடி ரூபாய் இடுபொருள் வழங்கப்படும். இந்நிவாரணம், விவசாயிகளின் வங்கிக்கணக்குகளில் வரும் 7 ம் தேதி முதல் நேரடியாக வரவு வைக்கப்படும் . இவ்வாறு அந்த அறிக்கையில் முதல்வர் தெரிவித்துள்ளார்.

Advertisement




வாசகர் கருத்து (9)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
siriyaar - avinashi,இந்தியா
03-ஜன-202105:49:01 IST Report Abuse
siriyaar அப்ப திமுக திருவாரூரிலும் தோற்கும் போல இருக்கு, திமுகாவிற்கு ஆப்பு அடிக்கிறார் எடப்பாடி அதுவும் குறை பல சொன்னாலும் இவர் நிறைகள் பல செய்யாது ஜெயிக்கிறார். சுடலைக்கு தினமும் புளி குழம்பு சாதம்.
Rate this:
Cancel
Mani . V - Singapore,சிங்கப்பூர்
03-ஜன-202105:31:58 IST Report Abuse
Mani . V சும்மா அடிச்சு விடுவோம். தேர்தலுக்கு இந்த பொய் வாக்குறுதி உபயோகப்படும். (பாஸ், அந்த இயற்கை வளங்களை அழித்தொழித்து போடப்படும் எட்டு வழிச் சாலை?)
Rate this:
Cancel
J.V. Iyer - Singapore,சிங்கப்பூர்
03-ஜன-202104:05:57 IST Report Abuse
J.V. Iyer கடன் வாங்கி பணத்தை அள்ளிவிட்டு பிறகு மத்திய அரசிடம் கையேந்தலாம். வெட்கம்.. வெட்கம். தமிழகம் கடனில் தத்தளிக்கிறது.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X