சென்னை:திராவிட கட்சிகளின் பாணியில், நடிகர் கமலும், தொழிற்சங்கத்தை துவக்கி, பதிவு செய்துள்ளார்.

மக்கள் நீதி மையம் கட்சியின் தொழிலாளர் நல அணி சார்பில், தமிழகம் முழுதும் தொழிற்சங்கம் அமைக்க நடவடிக்கை எடுக்கப்பட்டு வருகிறது.ரயில்வே துறையின் ஐ.சி.எப்., தொழிற்சாலையில், 'மையம் ஐ.சி.எப்., தொழிற்சங்கம்' என்ற பெயரில், தமிழகத்தில், கமல் கட்சியின் முதல் தொழிற்சங்கம் பதிவு செய்யப்பட்டுள்ளது.

பதிவு சான்றிதழ் உடன், தொழிலாளர் நல மாநில செயலர் பொன்னுசாமி உள்ளிட்ட நிர்வாகிகள், கமலை நேரில் சந்தித்து பேசினர் என, அக்கட்சி வெளியிட்ட செய்திக்குறிப்பில் கூறப்பட்டுள்ளது.