பழநி:''ஆன்மிக அரசியலை வரவேற்கும் ரஜினி ரசிகர்கள் யாரும், தி.மு.க.,வுக்கு ஓட்டளிக்க மாட்டார்கள்,'-' என, அமைச்சர் ராஜேந்திர பாலாஜி கூறினார்.

திண்டுக்கல் மாவட்டம் பழநி மலைக்கோவிலில், தமிழக பால்வளத்துறை அமைச்சர் ராஜேந்திர பாலாஜி நேற்று சுவாமி தரிசனம் செய்தார்.அவர் கூறியதாவது: கொள்முதல் செய்த பாலுக்கான நிலுவைத் தொகை விரைவில் வழங்கப்படும். பொங்கல் பரிசு தொகுப்பில், 100 மி.லி., ஆவின் நெய் வழங்கப்படும்.துணை முதல்வர் பன்னீர்செல்வம் அறிவித்தபடி, தற்போதைய முதல்வர் பழனிசாமியை வரும் தேர்தலில் முதல்வர் வேட்பாளராக ஏற்கும் கட்சிகள் மட்டுமே, அ.தி.மு.க., கூட்டணியில் அங்கம் வகிக்க முடியும்.

நடிகர் ரஜினிகாந்த் வெளிப்படையான மனிதர். உடல்நிலை, குடும்பச் சூழலை கருத்தில் கொண்டு அவர் அரசியல் வேண்டாம் என, முடிவு எடுத்துள்ளார். ஆன்மிக அரசியலை வரவேற்கும் ரஜினி ரசிகர்கள் யாரும், தி.மு.க.,வுக்கு ஓட்டளிக்க மாட்டார்கள். அடுத்தும், அ.தி.மு.க., ஆட்சி தான் வரும். இவ்வாறு அவர் கூறினார்.