சென்னை:கோவையில் நடந்த கிராம சபைக் கூட்டத்தில், எதிர் கேள்வி கேட்ட பெண்ணை, தி.மு.க.,வினர் விரட்டியடித்த சம்பவத்திற்கு, தமிழக பா.ஜ., கண்டனம் தெரிவித்துள்ளது.

தமிழக பா.ஜ., துணைத் தலைவர் அண்ணாமலை: தி.மு.க., தொப்பி அணிந்து, ஒரு கிராம சபை கூட்டமா; அது, எப்படி மக்கள் சபை கூட்டமாகும்?ஊடக வெளிச்சத்திற்காக, மக்களை ஏமாற்ற, 'ஐபேக்' கதை, திரைக்கதை, வசனம் இயக்கத்தில் நடக்கும் நாடகம் என, ஸ்டாலின் ஒப்புக் கொள்கிறார் போலும்.

தமிழக பா.ஜ., செயற்குழு உறுப்பினர் நடிகை காயத்ரி ரகுராம்: பெண்கள் கேள்வி கேட்டால், இப்படி தான் நடந்து கொள்வீர்களா; இது தான், தி.மு.க., பெண்களை மதிக்கும் லட்சணமா? தி.மு.க., ஆட்சிக்கு வரும் முன்னரே, பெண்களை இப்படி தர குறைவாக நடத்தும் நீங்கள், முதல்வரானால் பெண்களின் நிலைமை?இவ்வாறு, அவர்கள் கூறியுள்ளனர்.