ஈரோடு: வி.மேட்டுப்பாளையத்தில் இன்று நடக்கும், தி.மு.க., கிராமசபை கூட்டத்தில், தலைவர் ஸ்டாலின் கலந்து கொண்டு பேசுகிறார். இதுகுறித்து ஈரோடு தெற்கு மாவட்ட தி.மு.க., செயலாளர் முத்துசாமி விடுத்த அறிக்கையில் கூறியிருப்பதாவது: தி.மு.க., தலைவர் ஸ்டாலின், இன்று காலை, 10:00 மணிக்கு, ஈரோடு, மணல்மேட்டில் உள்ள, தி.மு.க., மாவட்ட அலுவலகத்தில், வீரபாண்டிய கட்டபொம்மன் பிறந்தநாளை முன்னிட்டு, அவரது படத்துக்கு மாலை அணிவித்து மரியாதை செலுத்துகிறார். பின், 10:30 மணிக்கு, வெள்ளோடு, குமாரவலசு ஊராட்சி, வி.மேட்டுப்பாளையம் கிராமத்தில், நூலகத்தை திறந்து வைத்து, புத்தகங்கள் வழங்கிய பின், கிராமசபை கூட்டத்தில் பங்கேற்கிறார். இதில் கட்சி நிர்வாகிகள் அனைவரும் பங்கேற்க வேண்டும். இவ்வாறு அறிக்கையில் தெரிவித்துள்ளார்.