வரலாற்று பொக்கிஷம்

Updated : ஜன 03, 2021 | Added : ஜன 03, 2021
Share
Advertisement
இதுவரை எழுதி வெளியிட்ட நுால்களின் எண்ணிக்கை 127. அதில் வ.உ.சிதம்பரனார் குறித்து மட்டுமே 15. வீட்டில் சேகரித்துள்ள புத்தகங்களோ ஒன்றரை லட்சத்திற்கும் மேல்! யார் இந்த புத்தகப்புழு என கேட்கத் தோன்றுகிறதல்லவா. 66 வயதாகும் வரலாற்று அறிஞர் செ.திவான் தான் அவர்.திருநெல்வேலியில் புத்தக கண்காட்சி, நுால் வெளியீட்டு விழா, பழைய புத்தக கடைகளில் ஓரமாக பழைய புத்தகங்கள் நிறைந்த ஜோல்னா
வரலாற்று பொக்கிஷம்

இதுவரை எழுதி வெளியிட்ட நுால்களின் எண்ணிக்கை 127. அதில் வ.உ.சிதம்பரனார் குறித்து மட்டுமே 15. வீட்டில் சேகரித்துள்ள புத்தகங்களோ ஒன்றரை லட்சத்திற்கும் மேல்! யார் இந்த புத்தகப்புழு என கேட்கத் தோன்றுகிறதல்லவா. 66 வயதாகும் வரலாற்று அறிஞர் செ.திவான் தான் அவர்.

திருநெல்வேலியில் புத்தக கண்காட்சி, நுால் வெளியீட்டு விழா, பழைய புத்தக கடைகளில் ஓரமாக பழைய புத்தகங்கள் நிறைந்த ஜோல்னா பையை இடுப்பு வரை தொங்கவிட்டு காட்சியளிப்பார்... வரலாற்றின் மீதான ஆர்வத்தில் வேலைக்கே செல்லாமல் முழுநேரமும் ஆய்வும், எழுத்துமாக வரலாற்றெழுத்தியலுக்காக வாழ்வை ஒப்புக்கொடுத்தவர். திருநெல்வேலி, வ.உ.சி., மைதானத்திற்கு மேல்புறம் உள்ள அவரது வீட்டில் வாசல் வரையிலும் புத்தகங்கள் வழிமறித்து நிற்கின்றன. மாலிக்காபூர், மருதநாயகம் கான்சாகிப், வரலாற்றின் வெளிச்சத்தில் ஒளரங்கஜேப் என்னும் வரலாற்று நுால்கள் இவரது படைப்புகளில் பல பதிப்புகள் கண்டவை.


latest tamil news


எப்படி எழுத்து ஆர்வம் வந்தது...

நான் பிறந்தது செங்கோட்டையில். செங்கோட்டை ரயில்நிலைய நுாலகத்திற்கு சென்று புத்தகங்கள் படிப்பேன். அதில் வரலாற்றின் மீது ஆர்வம் வந்தது. எனவேதான் நான் எம்.ஏ., எம்.பில்., பயில வாய்ப்பு கிடைத்தபோது 'ஆஷ் கொலை குறித்து' எம்.பில்., ஆய்வு நுால் வெளியிட்டேன் என்றார்.

1914ல் துாத்துக்குடியில் நடந்த ரானடே கவிதை போட்டிக்கு பாரதி அனுப்பியது, பிரசித்தி பெற்ற 'செந்தமிழ் நாடெனும் போதினிலே' பாடலாகும். பாரதிக்கு பரிசு கிடைக்கவில்லை. அ.மாதவய்யாவின் கும்மி பாடலுக்கு பரிசு கிடைத்தது. தமிழின் இரண்டாம் நாவல் பத்மாவதி சரித்திரம் எழுதிய திருநெல்வேலி எழுத்தாளர் அ.மாதவய்யாவின் அந்த கும்மி பாடலை தேடிப்பிடித்து செ.திவான் வெளியிட்டுள்ளார், 'பரிசு பெறாத பாரதி பாடல்' என்ற தலைப்பில் ஒரு புத்தகமே வெளியிட்டுள்ளார்.
வ.உ.சிதம்பரனார் மீது பற்றுகொண்ட திவான். வ.உ.சி.யின் உயில், வ.உசி., கண்ட பாரதி, வ.உ.சி.,யும் பரலி சு.நெல்லையப்பரும், வ.உசி., மகன் வாலேஸ்வரன், வ.உ.சி.யின் சுயசரிதை என பல புத்தகங்கள் எழுதியுள்ளார். கட்டபொம்மனின் கடைசி நாட்கள், கட்டபொம்மனும் கலெக்டர் ஜாக்சனும் என பலர் குறித்தும் நுால் எழுதியுள்ளார். வ.உ.சி.,க்கு எதிராக ஆங்கிலேயே கலெக்டர் ஆஷ் மேற்கொண்ட கொடுங்கோன்மையை ரத்தமும், சதையுமாக விவரிக்கிறார். கொற்கை, ஆதிச்சநல்லுார் போன்றவற்றின் வரலாற்றையும் ஆய்வு செய்துள்ளார். ஆனால் சொந்தமாக அலைபேசி கிடையாது. கூகுள் தேடத்தெரியாது.



இவரது மனைவி டாக்டர் திவானி ஜஹாரனா, மகள்கள் நஜாத், சுஹைனா தரும் ஒத்துழைப்போடு தற்போதும் நான்கைந்து தலைப்புகளில் புத்தகங்கள் எழுதிவருகிறார். ஆங்கிலேயருக்கு எதிரான போரில் ஊமைத்துரைக்கு வெடிப்பொருட்கள் தந்தது யார்... கால்டுவெல் எழுதிய புத்தகத்தில் நுாற்றுக்கும் மேற்பட்ட பக்கங்கள் அகற்றப்பட்டது ஏன், விஷயங்களை விரல்நுனியில் வைத்துள்ளார். பாரதி கைப்பட எழுதிய கடிதத்தையும் ஒரு கவிதையின் மூலப்பிரதியையும் பாதுகாத்து வருகிறார்... உண்மையில் செ.திவான் ஒரு வரலாற்று பொக்கிஷம்தான்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X