ராமநாதபுரம் : ராமநாதபுரத்தில் வட இந்திய வியாபாரியிடம் வழிப்பறி செய்த 3 பேரை போலீசார் கைது செய்தனர். தப்பியோடிய மேலும் மூவரை தேடி வருகின்றனர்.

ராஜஸ்தான் மாநிலத்தை சேர்ந்த பெட்ஷீட், கம்பளி வியாபாரி ஒருவர் நேற்று மாலை 6:00 மணிக்கு ராமநாதபுரம் மஞ்சனமாரியம்மன் கோயில் காட்டுப்பகுதி வழியாக தலைச்சுமையாக பெட்ஷீட் வியாபாரம் செய்ய சென்றுள்ளார். அங்கு மது அருந்தி கொண்டிருந்த 6 பேர் அவரை மடக்கி தாக்கினர். பையில் வைத்திருந்த விற்பனை பணம் ரூ.4000 மற்றும் 7 போர்வைகளை பறித்து தப்பினர்.கேணிக்கரை போலீசார் தப்பியோடிய ஓம்சக்தி நகரை சேர்ந்த மார்க் மைக்கேல் சாம்ராஜ் 24. ஒயிட் மணி 23, மற்றும் ஒருவரை கைது செய்தனர். மேலும் மூவரை தேடி வருகின்றனர்.