அரசியல் செய்தி

தமிழ்நாடு

தனிச் சின்னத்தில் போட்டி : தி.மு.க.,கூட்டணியில் கலகக்குரல்

Updated : ஜன 06, 2021 | Added : ஜன 04, 2021 | கருத்துகள் (36)
Share
Advertisement
தொகுதி ஒதுக்கீடு, தனிச் சின்னம் தொடர்பாக, தி.மு.க., கூட்டணிக் கட்சிகளிடம் கலகக்குரல் எழுந்துள்ளது.தி.மு.க., கூட்டணியில் அங்கம் வகிக்கும் ம.தி.மு.க., ஏற்கனவே பலமுறை, 'உள்ளே வெளியே' ஆட்டம் நடத்தியிருக்கிறது. சட்டசபையில் பிரதிநிதித்துவம் இல்லாத அக்கட்சி, தன் அங்கீகாரத்தை காப்பாற்ற, வரும் தேர்தலில், 15க்கும் மேற்பட்ட தொகுதிகளில் போட்டியிட விரும்புகிறது.ஆனால், தி.மு.க.,
தனிச் சின்னம், தி.மு.க.,கூட்டணி, கலகக்குரல், திமுக, ம.தி.மு.க., மதிமுக, விடுதலை  சிறுத்தைகள்,  காங்கிரஸ், கம்யூனிஸ்ட்

தொகுதி ஒதுக்கீடு, தனிச் சின்னம் தொடர்பாக, தி.மு.க., கூட்டணிக் கட்சிகளிடம் கலகக்குரல் எழுந்துள்ளது.தி.மு.க., கூட்டணியில் அங்கம் வகிக்கும் ம.தி.மு.க., ஏற்கனவே பலமுறை, 'உள்ளே வெளியே' ஆட்டம் நடத்தியிருக்கிறது.

சட்டசபையில் பிரதிநிதித்துவம் இல்லாத அக்கட்சி, தன் அங்கீகாரத்தை காப்பாற்ற, வரும் தேர்தலில், 15க்கும் மேற்பட்ட தொகுதிகளில் போட்டியிட விரும்புகிறது.ஆனால், தி.மு.க., மேலிடத்தில் இருந்து, சாதகமான பதில் வரவில்லை என, தெரிகிறது. இதனால், வைகோ அதிருப்தி அடைந்துள்ளார்.

இதுகுறித்து, ம.தி.மு.க., மாநில நிர்வாகி ஒருவர் கூறியதாவது: எங்களது நியமன கோரிக்கைக்கு, தி.மு.க.,விடமிருந்து சாதகமான பதில் கிடைக்காததால், வைகோவுக்கு ரொம்பவே வருத்தம். மற்றவர்கள் ஆட்சியமைக்க, ஏணியாக இருக்கும் நாங்கள், எங்கள் கட்சியின் அங்கீகாரத்தையும் காப்பாற்ற வேண்டும். இதை புரிந்து கொள்ளாமல், எங்களை கறிவேப்பிலையாக பயன்படுத்தினால் எப்படி?முன்னர், இதேபோல் எங்களின் கோரிக்கையை ஏற்காமல் இழுத்தடித்து, கடைசி நேரத்தில், தி.மு.க., கைவிட்டுள்ளது. இந்த கசப்பான அனுபவம், மீண்டும் ஏற்பட்டு விடக் கூடாது என்பதில் தெளிவாக இருக்கிறோம். இவ்வாறு, அவர் கூறினார்.

இதற்கிடையில், துணை ஜனாதிபதி வெங்கையா நாயுடுவை, வைகோ சந்தித்து பேசியது, தி.மு.க., மேலிடத்திற்கு அதிர்ச்சியை அளித்துள்ளது.

ம.தி.மு.க.,வை தொடர்ந்து, விடுதலை சிறுத்தைகள் கட்சிக்கும், அங்கீகாரத்தை காப்பாற்ற வேண்டிய கட்டாயம் ஏற்பட்டுள்ளது.தன் காரணமாக, தொகுதி பங்கீட்டில், இரட்டை இலக்க எண்ணை வலியுறுத்தி வருகிறது. ஆனால், தி.மு.க., மேலிடம் காதில் வாங்கிக் கொள்ளவில்லை.

இதுகுறித்து, அக்கட்சி நிர்வாகி ஒருவர் கூறுகையில், 'தி.மு.க., எங்களுக்கு எஜமானராக இருக்க விரும்பலாம். ஆனால், நாங்கள் அடிமைகளாக இருக்க விரும்பவில்லை. எங்களை உதாசீனப்படுத்தினால், தி.மு.க.,வுக்கு தான் இழப்பு' என்றார்.

'தி.மு.க., கூட்டணியில், ஆறு தொகுதிகளில், தனிச் சின்னத்தில் போட்டியிட உறுதி அளித்தால், கூட்டணியில் இருப்போம். இல்லையென்றால், 234 தொகுதிகளிலும் தனித்து போட்டி' என, பாரிவேந்தரின், இந்திய ஜனநாயக கட்சியும் போர்க்கொடி துாக்கி உள்ளது.

காங்கிரஸ், கம்யூனிஸ்ட் கட்சிகளுக்கும், குறைந்த தொகுதிகள் ஒதுக்கீடு செய்ய, தி.மு.க., திட்டமிட்டிருப்பதால், அக்கட்சிகளும் குழப்பத்தில் உள்ளன.எனவே, தொகுதி பங்கீடு எண்ணிக்கை குறித்து அதிகாரப்பூர்வமாக, தி.மு.க., அறிவிக்கும் வரை காத்திருக்க கூடாது. முன்கூட்டியே பேசி முடிவெடுக்க வேண்டும் என, கூட்டணிக் கட்சிகள் குரல் கொடுக்கத் துவங்கி விட்டன.

- நமது நிருபர் -

Advertisement




வாசகர் கருத்து (36)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
karutthu - nainital,இந்தியா
07-ஜன-202113:11:44 IST Report Abuse
karutthu புன்னகை மன்னன் , பூவிழிக்கண்ணன் அஞ்சாநெஞ்சன் பிரச்சார பீரங்கி எங்கள் அன்னான் தலைமையில் மூன்றாம் அணி தொடங்கி அதில் தேமுதிக வை முதல்வர் வேட்பாளராக நிறுத்தி தி மு க விற்கு ஒரு ஷாக் கொடுக்கணும் என்பதே ஏன் விருப்பம்
Rate this:
Cancel
Malick Raja - jeddah,சவுதி அரேபியா
06-ஜன-202119:03:00 IST Report Abuse
Malick Raja எப்படி செய்திவந்தாலும் மதிமுக எப்போதும் தனது சின்னத்தில் சட்டசபை தேர்தல்களில் நிற்பது வாடிக்கை .. ஐஜேகே போன்ற லெட்டர் பேட் கட்சிகள் அவர்கள் சொல்வதுபோல செய்திகள் உலாவிடுவது கூட்டணிக்குஉள்ளே குழப்பத்தை ஏற்படுத்த சிலரது விருப்பமாக இருப்பதில் ஐயம் இல்லை
Rate this:
Cancel
bigu -  ( Posted via: Dinamalar Android App )
05-ஜன-202118:45:23 IST Report Abuse
bigu ijk ஏதோ mp ஆக்குனதுக்கு நன்றிகடனா இருப்பாருன்னு பார்த்த,,,,ஏதோ சொல்லுறாரு,,உங்களுக்கு திமுகாவில் இடமில்லை.தனியா நில்லுங்க
Rate this:
SUNDARASIVAM S - baghram,இந்தியா
05-ஜன-202119:38:23 IST Report Abuse
SUNDARASIVAM Sஅரசாங்கத்துக்கு நல்ல வருமானம் ,, ஆமா ,, எல்லோரும் தேர்தல் டெபாசிட் கட்டுவாங்க,, எல்லா பயல்களும் டெபாசிட் பணத்தை இழூந்துட்டு போயிருவாங்கே,, ரெம்ப சூப்பர் ஐடியா,, கட்டுங்க கட்டுங்க...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X