அரசியல் செய்தி

தமிழ்நாடு

பி.எச். பாண்டியன் ஆளுமை: முதல்வர் பழனிசாமி புகழாரம்

Updated : ஜன 06, 2021 | Added : ஜன 04, 2021 | கருத்துகள் (6+ 4)
Share
Advertisement
திருநெல்வேலி: ''சபாநாயகர் பதவியின் ஆளுமையை, பாமரனும் அறியச் செய்தவர் பி.எச்.பாண்டியன்,'' என, அவரது மணிமண்டப திறப்பு விழாவில், முதல்வர் இ.பி.எஸ்., பேசினார்.திருநெல்வேலி மாவட்டம், சேரன்மகாதேவி அருகே கோவிந்தபேரியில், முன்னாள் சபாநாயகர் பி.எச்.பாண்டியன் நினைவு மண்டபம், அவரது குடும்பத்தினரால் கட்டப்பட்டுள்ளது. இதை முதல்வர் இ.பி.எஸ்., துணை முதல்வர் பன்னீர்செல்வம் நேற்று
பி.எச்.பாண்டியன், முதல்வர் இபிஎஸ், முதல்வர் பழனிசாமி, இபிஎஸ், பழனிசாமி, எடப்பாடி பழனிசாமி,துணை முதல்வர் ஓபிஎஸ், துணை முதல்வர் பன்னீர்செல்வம், ஓபிஎஸ், பன்னீர்செல்வம், அதிமுக, அ.தி.மு.க.,

திருநெல்வேலி: ''சபாநாயகர் பதவியின் ஆளுமையை, பாமரனும் அறியச் செய்தவர் பி.எச்.பாண்டியன்,'' என, அவரது மணிமண்டப திறப்பு விழாவில், முதல்வர் இ.பி.எஸ்., பேசினார்.

திருநெல்வேலி மாவட்டம், சேரன்மகாதேவி அருகே கோவிந்தபேரியில், முன்னாள் சபாநாயகர் பி.எச்.பாண்டியன் நினைவு மண்டபம், அவரது குடும்பத்தினரால் கட்டப்பட்டுள்ளது. இதை முதல்வர் இ.பி.எஸ்., துணை முதல்வர் பன்னீர்செல்வம் நேற்று திறந்து வைத்தனர். மனோஜ் பாண்டியன் வரவேற்றார்.



ஆளுமை


முதல்வர் இ.பி.எஸ்., பேசியதாவது:தமிழக சட்டசபையில், 1985 - 89 வரை சபாநாயகராக இருந்தவர், பி.எச்.பாண்டியன். சபாநாயகர் பதவியின் ஆளுமையை, பாமரனும் அறியச் செய்தவர் அவர். நாங்குநேரி பச்சையாறு திட்டம், கொடுமுடியாறு திட்டம் நிறைவேற, நீதிமன்ற ஆணைகளை பெற்றவர்.தமிழகத்தில், உணவு பற்றாக்குறை ஏற்பட்டபோது 10 ஆயிரம் டன் அரிசி விடுவிக்க, உச்ச நீதிமன்றத்தில் வாதிட்டு ஆணை பெற்றவர். அவரது ஊரான கோவிந்தபேரியில், 5 ஏக்கர் நிலம் தந்து, மனோ கல்லுாரி உருவாக காரணமானவர்.இவ்வாறு, அவர் பேசினார்.

துணைமுதல்வர் பன்னீர்செல்வம் பேசுகையில், ''பி.எச். பாண்டியன் கற்ற சட்ட நுணுக்கங்கள், சட்டசபையில், அவர் பல சரித்திர நிகழ்வுகளை நடத்தி காட்ட உறுதுணையாக இருந்தது. சட்டசபை வழக்குகளில், அவர் அப்போது சொன்ன சட்டநுணுக்கங்கள் இன்றளவும் எடுத்துக் காட்டப்படுகிறது,'' என்றார்.


ஒரே வாகனத்தில் வலம்



சென்னையில் இருந்து நேற்று மதியம், இ.பி.எஸ்., பன்னீர்செல்வம் ஒரே விமானத்தில் துாத்துக்குடி வந்தனர். அவர்களுக்கு, திருநெல்வேலி கருங்குளத்தில், கட்சியினர் வரவேற்பு அளித்தனர். அப்போது, இருவரும் ஒரே ஜீப்பில் சிறிது துாரம் பயணித்து, வரவேற்பை ஏற்றுக் கொண்டனர்.அங்கிருந்து, ஒரே காரில் நிகழ்ச்சி நடந்த கோவிந்தபேரி சென்றனர். தொடர்ந்து, உடல் நலம் பாதிக்கப்பட்டிருக்கும் அம்பாசமுத்திரம், எம்.எல்.ஏ., முருகையாபாண்டியன் வீட்டிற்கு, இருவரும் ஒரே காரில் சென்று, நலம் விசாரித்தனர்.

Advertisement




வாசகர் கருத்து (6+ 4)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
V. Manoharan - Bangalore,இந்தியா
05-ஜன-202113:56:29 IST Report Abuse
V. Manoharan எத்தன தடவ ஒரே கார், ஒரே வாகனம்முனு போடுவீங்க. ஏதோ அவங்களுக்குள்ள சண்ட இருக்கிற மாதிரி.
Rate this:
Cancel
Shaikh Miyakkhan - jeddah,சவுதி அரேபியா
05-ஜன-202112:38:48 IST Report Abuse
Shaikh Miyakkhan சபாநாயகர் என்பவர் சபையை மட்டும் நடத்தக்கூடியவர் என்று தான் எல்லோரும் நினைத்து கொண்டு இருந்தார்கள்.இதற்க்கு முன்னாள் இருந்த சபாநாயகர்கள் அப்படி தான் நடந்து கொண்டார்கள். எங்களது அய்யா சட்டம் படித்தவராச்சே அதனால் சபாநாயகருக்கு உள்ள அதிகாரங்கள் என்ன ? சட்டம் என்ன அனுமதித்து உள்ளது என்பதை அறிந்தவர் அதன் படி செயல்பட்டார் . அது ஒரு சில பேருக்கு தவறுதலாக தெரியலாம். சும்மா வெறுமனே சபையை மட்டும் நடத்தக்கூடிய பதவி அல்ல என்பதை எண்ணி செயல் பட்டார். அவரால் அனுமதிக்கப்பட்டு அவரோடு ஆஃபிஸில் PA ஆக வேலை செய்தவன் என்பதால் எனக்கு நன்றாக அவரை பற்றி தெரியும். திமுகவை சேர்ந்த பத்து சட்ட மன்ற உறுப்பினர்கள் அரசியல் சட்டத்தை மதித்து நடப்போம் என்று உறுதிமொழி எடுத்து பதவி ஏற்ற பத்து பேரை அவர்களுடய கட்சின் போராட்டத்தால் அரசியல் சட்டத்தை எரித்ததால் அவர்கள் மீது பதவி பறிப்பு நடவடிக்கை எடுக்க வாய்ப்பு இருக்கு என்று எச்சரிக்கை விடுத்து அவர்களுடய பதவியை பறித்து வீட்டுக்கு அனுப்பினார். அவர் நடவடிக்கையின் மீது எந்த கோர்ட்டும் தலையிட முடியவில்லை.அவர் செய்த அந்த செயல் தான் சபாநாயகர்களின் அதிகாரங்களை உலகிற்கு எடுத்து காட்டியது . பிற்காலத்தில் கலைஞ்சர் அவரோடு நல்ல நட்பில் தான் இருந்தார். அது மட்டுமா? மந்திரிகள் எல்லாம் திருடர்கள், சட்டமன்ற உறுப்பினர்கள் பிக்பாக்கெட் என்று எழுதிய ஆனந்த விகடன் ஆசிரியர் பாலசுப்பிரமணியனை உள்ளே வைத்தார் பிறகு புரட்சி தலைவர் கேட்டு கொண்டதால் வெளி விட உத்தரவு விட்டார்.ஆக சபாநாயர்களுக்கு என்ன அதிகாரம் இருக்கிறது என்பதை இவர் தான் எடுத்து காட்டினார் .அதை போல் தேர்தல் கமிசனருக்கு என்னென்ன அதிகாரங்கள் இருக்கின்றது என்பதை திரு TN சேஷன் அவர்கள் எடுத்து காட்டினார். எமது அய்யா திருமிகு பி.எச்.பாண்டியன் அவர்கள் மறைந்தாலும் அவர் புகழ் மறையாது
Rate this:
Cancel
vidhuran - chennai,இந்தியா
05-ஜன-202108:30:11 IST Report Abuse
vidhuran பாண்டியன் சபாநாயகராக இருந்து செயல்பட்ட விதத்தை கட்சிக்காரர்கள் தற்போது கொண்டாடலாம். ஆனால் அரசியல் அமைப்பு சட்டத்தினை உருவாக்கியவர்கள் அக்காலத்தில் ஒரு தனிநபர் எந்த அளவிற்கு தாங்கள் உருவாக்கும் சட்டத்தை தன் இஷ்டத்திற்கு செயல்படுத்துவார் என்று யோசித்து கூட பார்த்திராத அளவிற்கு சபாநாயகர் பதவியை பயன்படுத்தினார் என்பது உண்மையான பாராட்டா? சபாநாயகராக அவர் நடந்து கொண்டவை உண்மையிலேயே பின்பற்றப்பட வேண்டியவையா? பாராட்டுவார்கள் யோசிக்கட்டும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X