பொது செய்தி

தமிழ்நாடு

100 சதவீத இருக்கை: தியேட்டர்களுக்கு அனுமதி

Added : ஜன 05, 2021 | கருத்துகள் (1)
Share
Advertisement
சென்னை : தமிழகத்தில், திரைஅரங்குகளில், 100 சதவீத இருக்கைகளை பயன்படுத்த, தமிழக அரசு அனுமதி அளித்துள்ளது. தமிழகத்தில், கொரோனா வைரஸ் நோய் பரவலை தடுக்க, 2020 மார்ச், 25 முதல், பொது ஊரடங்கு அமல்படுத்தப்பட்டது. அன்று முதல், திரையரங்குகள் அனைத்தும் மூடப்பட்டிருந்தன. ஒன்றுக்கும் மேற்பட்ட திரையரங்குகள், திரைஅரங்கு வளாகம், வணிக வளாகங்களில் உள்ள திரையரங்குகள் உட்பட, அனைத்து

சென்னை : தமிழகத்தில், திரைஅரங்குகளில், 100 சதவீத இருக்கைகளை பயன்படுத்த, தமிழக அரசு அனுமதி அளித்துள்ளது.

தமிழகத்தில், கொரோனா வைரஸ் நோய் பரவலை தடுக்க, 2020 மார்ச், 25 முதல், பொது ஊரடங்கு அமல்படுத்தப்பட்டது. அன்று முதல், திரையரங்குகள் அனைத்தும் மூடப்பட்டிருந்தன. ஒன்றுக்கும் மேற்பட்ட திரையரங்குகள், திரைஅரங்கு வளாகம், வணிக வளாகங்களில் உள்ள திரையரங்குகள் உட்பட, அனைத்து திரையரங்குகளும், 50 சதவீத இருக்கைகளை மட்டும் பயன்படுத்தி, நவ., 11 முதல் செயல்பட, தமிழக அரசு அனுமதி அளித்தது.எனினும், 100 சதவீத இருக்கைகள் பயன்படுத்த அனுமதி அளிக்கப்படாததால், பெரிய நடிகர்களின் படங்கள் திரையிடப்படாமல் இருந்தன.

எனவே, திரையரங்கு உரிமையாளர்கள், 100 சதவீதம் இருக்கைகளை பயன்படுத்த அனுமதி அளிக்கும்படி, அரசுக்கு கோரிக்கை விடுத்தனர். நடிகர் விஜய், முதல்வரை நேரில் சந்தித்து கோரிக்கை விடுத்தார். அவரது படம், பொங்கல் பண்டிகையை ஒட்டி வெளியாக உள்ளது.இந்நிலையில், கொரோனா வைரஸ் பரவல் குறைந்து வருவதால், திரையரங்கு உரிமையாளர்களின் கோரிக்கையை ஏற்று திரையரங்குகள், 100 சதவீத இருக்கைகளை பயன்படுத்தி செயல்பட, தமிழக அரசு அனுமதி அளித்து உத்தரவிட்டுள்ளது.ஏற்கனவே, திரையரங்குகளில் பின்பற்றுவதற்காக வெளியிடப்பட்டுள்ள கொரோனா வழிகாட்டு நெறிமுறைகளை, அனைவரும் பின்பற்ற வேண்டும் என்றும், அரசு தரப்பில் உத்தரவிடப்பட்டுள்ளது.

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
kuppusamy - chennai,இந்தியா
05-ஜன-202106:30:38 IST Report Abuse
kuppusamy இத்தனை நாட்களாக மூடிக்கிடந்ததில் மக்கள் வருத்தப்படவில்லை .சினிமாவால் எந்த நன்மையையும் இல்லை .நடிகர்களுக்கு கோடியில் வருமானம் .ஆபாச நடனம் அபத்தமான சண்டைக்காட்சிகள் வன்முறைக்காட்சிகள் aஅரைகுறை ஆடைகளில் கதாநாயகிகள் இதையெல்லாம் பார்க்காமல் மக்கள் நிம்மதியாக இருந்தனர்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X