கோவை:'யங் இண்டியன்ஸ்' சார்பில், 'கோயமுத்துார் விழா', கடந்த, 2 முதல் நடத்தப்படுகிறது; 10ம் தேதி வரை, பல்வேறு கட்டமாக நடத்தப்படுகிறது.அதன் ஒரு பகுதியாக, பயன்படுத்திய மற்றும் பயன்பாட்டில் உள்ள மொபைல்போன், லேப்டாப் மற்றும் கம்ப்யூட்டர்களை சேகரித்து, ஆன்-லைனில் படிக்க வசதியில்லாத, கோவை கிராமப்புற மாணவர்களுக்கு சேகரித்து வழங்கும் நிகழ்வு துவக்கப்பட்டுள்ளது.விழா அமைப்பாளர்கள் கூறியதாவது:மாணவர்கள் கல்வி கற்கவும், அறிவை வளர்த்துக் கொள்ளவும் இணையத்தை பெரிதும் நம்பியிருக்கும் நேரத்தில், நகர்ப்புற மற்றும் கிராமப்புற குழந்தைகளுக்கு மத்தியில், டிஜிட்டல் இடைவெளி காணப்படுகிறது.பொதுமக்கள், தங்களிடம் உள்ள பழைய/ பயன்பாட்டில் உள்ள டிஜிட்டல் சாதனங்களை வழங்கலாம். முதல் நாளான நேற்று, 150 சாதனங்கள் பெறப்பட்டன. ரேஸ்கோர்ஸில் உள்ள ஆன் தி கோ, ஆர்.எஸ்.புரம் தட்ஸ் ஒய் உணவு, பீளமேடு ஆக்ஸிசோன் ஆகிய இடங்களில், வரும் 10க்குள், வழங்கலாம். இவ்வாறு, அவர்கள் கூறினர்.