மேட்டுப்பாளையம்:காரமடை சுற்றுவட்டார கிராமங்களில், வீரபாண்டிய கட்டபொம்மன் பண்பாட்டு கழகத்தின் சார்பில், வீரபாண்டிய கட்டபொம்மனின் பிறந்த நாள் விழா கொண்டாடப்பட்டது.வீரபாண்டிய கட்டபொம்மனின் உருவப்படத்தை, தாரை, தப்பட்டை முழங்க, தேவர் ஆட்டத்துடன் ஊர்வலமாக எடுத்து வந்தனர். இந்து முன்னணி மாநில பேச்சாளர் மனோகரன், தமிழ்நாடு வீரபாண்டிய கட்டபொம்மன் பண்பாட்டு கழக மாநில பொருளாளர் நந்தகுமார், வடக்கு மாவட்ட தலைவர் சந்தோஷ், விக்னேஷ், மனோஜ் உட்பட பலர் பங்கேற்றனர். காரமடையில் சுற்றியுள்ள பெரிய தொட்டிபாளையம், சின்ன தொட்டிபாளையம், காரமடை நகர் பகுதிகளில் வாணவேடிக்கையுடன் கொடியேற்றி நிகழ்ச்சிகள் நடந்தன.