அனுப்பர்பாளையம்:திருமுருகன்பூண்டியில் உள்ள சுவாமி விவேகானந்த சேவாலயத்தில், அன்னை சாரதாதேவியின், 168ம் ஜெயந்தி விழா நேற்று நடந்தது.விழாவையொட்டி, காலை 5:00 மணிக்கு மங்கல ஆரத்தி, பஜனை திருப்பாவை பாராயணம், தொடர்ந்து, சிறப்பு பூஜை, அர்ச்சனை, ஆரதி, அன்னைக்கு ஆயிரத்து எட்டு போற்றி குங்கும பூஜை நடந்தது.மாலை, 6:30 மணிக்கு, திருவிளக்கு வழிபாடு நடந்தது. இதில் நுாற்றுக்கு மேற்பட்ட பெண்கள் கலந்து கொண்டனர். கோவை ராமகிருஷ்ண மிஷன் வித்யாலயத்தின் தத்தாத்ரேயன், 'அன்புள்ள அம்மா' என்ற தலைப்பில் பேசினார். சேவாலய நிர்வாகி செந்தில்நாதன் நன்றி கூறினார்.