சம்பவம் செய்தி

தமிழ்நாடு

மின்வேலியில் சிக்கி யானை பலி: கோவை அருகே பரிதாபம்

Added : ஜன 06, 2021 | கருத்துகள் (3)
Share
Advertisement
பேரூர்:பேரூர் அருகே, விளைநிலத்தில் அமைக்கப்பட்டிருந்த மின்சார வேலியில் சிக்கி, ஆண் யானை பரிதாபமாக இறந்தது.கோவை, இக்கரை போளுவாம்பட்டி காரமரத்தூரை சேர்ந்தவர் ரவி, 40; விவசாயி. இவரது தோட்டம் செம்மேடு உக்குளம் பகுதியில் உள்ளது. தென்னம்மநல்லுாரை சேர்ந்த ஆறுச்சாமி, 62, என்பவருக்கு குத்தகைக்கு விட்டுள்ளார். ஆறுச்சாமி வனவிலங்குகளை தடுக்க, நிலத்தை சுற்றியும் மின்வேலி

பேரூர்:பேரூர் அருகே, விளைநிலத்தில் அமைக்கப்பட்டிருந்த மின்சார வேலியில் சிக்கி, ஆண் யானை பரிதாபமாக இறந்தது.

கோவை, இக்கரை போளுவாம்பட்டி காரமரத்தூரை சேர்ந்தவர் ரவி, 40; விவசாயி. இவரது தோட்டம் செம்மேடு உக்குளம் பகுதியில் உள்ளது. தென்னம்மநல்லுாரை சேர்ந்த ஆறுச்சாமி, 62, என்பவருக்கு குத்தகைக்கு விட்டுள்ளார். ஆறுச்சாமி வனவிலங்குகளை தடுக்க, நிலத்தை சுற்றியும் மின்வேலி அமைத்துள்ளார்.

இந்நிலையில், நேற்று அதிகாலை, 2:00 மணியளவில், ஆண் யானை ஒன்று உக்குளம் பகுதிக்கு வந்துள்ளது. ஆறுச்சாமியின் நெல்வயலுக்குள் செல்ல முயன்றபோது, அந்த 20 வயது ஆண் யானை மின்சாரம் தாக்கி இறந்தது.போளுவாம்பட்டி வனத்துறை மற்றும் மின்வாரியத்தினர் தோட்டத்தில் ஆய்வு செய்தனர். விசாரணையில், விவசாய மின் இணைப்பை பயன்படுத்தி, நேரடியாக மின் வேலிக்கு இணைப்பு கொடுத்திருந்தது தெரியவந்தது.

யானையின் வாய் மற்றும் தும்பிக்கையில் மின்கம்பிகள் சிக்கி இருந்தன. வழக்கு பதிவு செய்த வனத்துறையினர், தலைமறைவான ஆறுச்சாமியை தேடி வருகின்றனர்.

மூன்றாவது சம்பவம்

இதே பகுதியில், 2009ம் ஆண்டு, ஆறுச்சாமியின் சகோதரர் பாப்புசாமியின் தோட்டத்துக்குள் புகுந்த யானை, மின்சார வேலியில் சிக்கி பலியானது. 2014ம் ஆண்டு, கரியாம்படிகையில் பாபு என்பவரின் தோட்டத்தில் மின்சாரம் தாக்கி, ஒரு யானை பலியானது. தற்போது, மூன்றாவதாக இந்த யானை பலியாகியுள்ளது.

Advertisement


வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தல புராணம் - மதுரை,இந்தியா
07-ஜன-202108:26:41 IST Report Abuse
தல புராணம் தீபம் ஏற்றி பஜனை பண்ண கூட்டம் கூட்டவில்லை.
Rate this:
Cancel
JeevaKiran - COONOOR,இந்தியா
06-ஜன-202114:08:55 IST Report Abuse
JeevaKiran தண்டனையை கடுமையாக்குங்கள். முந்தைய இரு சம்பவங்களில் என்ன தண்டனை கிடைத்தது அவர்களுக்கு. அதனால்தான் இது போன்ற சம்பவங்கள் நடக்கின்றன.
Rate this:
Cancel
Mani . V - Singapore,சிங்கப்பூர்
06-ஜன-202106:11:02 IST Report Abuse
Mani . V இன்னும் என்னவெல்லாம் அரங்கேற்றப் போகிறாயோ ஈஷா? (நான் அந்த சிவனை சொன்னேன்)
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X