சேலம்: சேலம், கலெக்டர் அலுவலகம் முன், '108' அவசரகால ஆம்புலன்ஸ் தொழிலாளர் சங்கம் சார்பில், ஜி.வி.கே.,- இ.எம்.ஆர்.ஐ., நிர்வாகத்துக்கு எதிராக, நேற்று, ஆர்ப்பாட்டம் நடந்தது. ஊழலை சுட்டிக்காட்டியதற்கு, மாநில பொருளாளர் உள்பட பலரை பணி நீக்கம் செய்துள்ள நிலையில், அவற்றை திரும்ப பெறுதல்; மக்களின் சேவைக்கு, 24 மணி நேரமும், '108' அவசரகால ஆம்புலன்ஸ்களை இயக்குதல்; தொழிலாளர் சட்டங்களை அமல்படுத்தி, மகப்பேறு விடுப்பு உள்ளிட்ட சலுகைகளை வழங்குதல்; கொரோனா சிறப்பு நிதி, பெறாதவர்களுக்கு வழங்குதல்; சம்பள உயர்வு வேண்டும் என்பன உள்ளிட்ட, பல்வேறு கோரிக்கைகள் வலியுறுத்தி கோஷமிட்டனர். சங்க கிழக்கு மாவட்ட செயலர் மணிகண்டன், மேற்கு மாவட்ட செயலர் தாமோதரன் உள்பட பலர் பங்கேற்றனர்.