ஈரோடு: ஈரோடு மாவட்டத்தில் இன்று, நாளை, முதல்வர் பழனிசாமி தேர்தல் பிரசாரம் மேற்கொள்ளும் நிலையில், இன்று காலை, 9:00 மணிக்கு பவானி, அந்தியூர் பிரிவில், பிரசாரத்தை துவக்குகிறார். அங்கு பொதுக்கூட்டத்தில் பேசும் முதல்வர், 10:00 மணிக்கு அந்தியூர் சாலை, கே.எம்.பி., மஹாலில் சிறு, குறு தொழில் முனைவோருடன் கலந்துரையாடிவிட்டு, அந்தியூரில் 11:00 மணிக்கு பொதுக்கூட்டத்தில் பங்கேற்கிறார். அந்தியூர் வாரி மஹாலில், 12:00 மணிக்கு வெற்றிலை விவசாயிகள், சமுதாய தலைவர்களுடன் கலந்துரையாடுகிறார். மதியம், 1:00 மணிக்கு அத்தாணி, 1:30 மணிக்கு கள்ளிப்பட்டி, 3:30 மணிக்கு நால் ரோடு, 4:00 மணிக்கு சத்தியமங்கலத்திலும் வரவேற்பு நிகழ்ச்சியில் பேசுகிறார். பின், நல்லூர் ஈ.பி.பி., மஹாலில் உள்ளூர் பிரமுகர்களுடன் கலந்துரையாடுகிறார். புஞ்சை புளியம்பட்டியில், மாலை, 5:30 மணிக்கு வரவேற்பு, 6:30 மணிக்கு காந்தி நகரில் உள்ளூர் பிரமுகருடன் பேசுகிறார். இரவு, 7:00 மணிக்கு நம்பியூரில் பேசிவிட்டு, கோபியில், 9:00 மணி பொதுக்கூட்டத்தில் பங்கேற்கிறார்.

கோபியில் ஏற்பாடு தீவிரம்: கோபியில் இன்றிரவு, 9:00 மணிக்கு நடக்கும் பொதுக்கூட்டத்தில், முதல்வர் பழனிசாமி பங்கேற்கிறார். இதனால், கரட்டூர் நுழைவுவாயில் முதல், கரட்டடிபாளையம் வரை, சாலையின் இருபுறமும், முதல்வரை வரவேற்று, கட்சி கொடிகள் நடப்பட்டுள்ளன.