சிறப்பு பகுதிகள்

இது உங்கள் இடம்

சினிமா ரொம்ப முக்கியமா?

Added : ஜன 06, 2021 | கருத்துகள் (7)
Share
Advertisement
சினிமா ரொம்ப முக்கியமா?சி.கார்த்திகேயன், சாத்துார், விருதுநகர் மாவட்டத்திலிருந்து அனுப்பிய, 'இ - மெயில்' கடிதம்: புதிய கொரோனா வைரஸ், உலகை மிரட்டும் வேளையில், தமிழகத்தில், 100 சதவீத பார்வையாளர்களுடன் இயங்க, தியேட்டர்களுக்கு தமிழக அரசு அனுமதி வழங்கியுள்ளது.சினிமா துறையினர் பாதிக்கப்படக் கூடாது என்பதற்காக, 50 சதவீதம் பார்வையாளர்களோடு இயங்க தியேட்டருக்கு, இதுவரை


சினிமா ரொம்ப முக்கியமா?



சி.கார்த்திகேயன், சாத்துார், விருதுநகர் மாவட்டத்திலிருந்து அனுப்பிய, 'இ - மெயில்' கடிதம்: புதிய கொரோனா வைரஸ், உலகை மிரட்டும் வேளையில், தமிழகத்தில், 100 சதவீத பார்வையாளர்களுடன் இயங்க, தியேட்டர்களுக்கு தமிழக அரசு அனுமதி வழங்கியுள்ளது.சினிமா துறையினர் பாதிக்கப்படக் கூடாது என்பதற்காக, 50 சதவீதம் பார்வையாளர்களோடு இயங்க தியேட்டருக்கு, இதுவரை அனுமதி வழங்கப்பட்டிருந்தது.இந்நிலையில் நடிகர் விஜய், நேரில் சென்று, முதல்வர் இ.பி.எஸ்.சை சந்தித்ததும், 100 சதவீத பார்வையாளர்களுடன் தியேட்டர் இயங்க, அனுமதி அறிவிப்பு வெளியிடப்பட்டுள்ளது.ஏனென்றால் அவர் நடித்த படம், பொங்கலுக்கு வெளியாகிறதாம். ஒரு நடிகர், அவர் நடித்த படம் நஷ்டமடையக் கூடாது என கருதுகிறார்; முதல்வரும், அனுமதி வழங்குகிறார்.தட்டிக்கேட்க முடியாத மக்களுக்கு, வீரியமிக்க கொரோனா தாக்கினால் நமக்கென்ன என்ற அலட்சியம் தானே அவர்களுக்கு!நடிகர் விஜய்க்கு ரசிகர்களாக இருப்போர் பெரும்பாலும், பள்ளி மற்றும் கல்லுாரி மாணவர்களே. அவர்கள் படிப்பதற்கு கல்வி நிலையத்தை திறக்க, எத்தனை இடையூறு ஏற்பட்டன. இன்னும் அனைத்து கல்வி நிறுவனங்களும் முழுமையாக திறக்கப்படவில்லை.ஆனால், அவர்களுக்கு மிகவும், 'அத்தியாவசிய' தேவையான தியேட்டரை, முழுமையாக செயல்பட அனுமதித்து விட்டனர்.அவர்களுக்கு கொரோனா வந்தால் என்ன? அந்த மாணவரின் குடும்பம் பாதிக்கப்பட்டால், அந்த நடிகருக்கும், முதல்வருக்கும் எந்த பாதிப்பும் இல்லை.விஜயின் ரசிகர்கள், பொங்கல் ரிலீஸ் படத்தைப் பார்க்க முண்டியடித்து, தியேட்டருக்கு நுழைவர்.

முகக்கவசம், கிருமி நாசினி, சமூக இடைவெளி என, அனைத்தும் காற்றில் பறக்கும்.இவ்வாறு பள்ளிப் பிள்ளைகள், மூடிய தியேட்டருக்குள், மூன்று மணி நேரம் இடைவிடாது இருக்கக்கூடிய நிலையில், தொற்று அபாயம் ஏற்படாதா என்ன?கொரோனா தடுப்பு விதிகளை கடுமையாக பின்பற்ற அனைத்து சாத்தியக் கூறுகளும், கல்வி நிலையங்களில் உண்டு. தியேட்டரில் சாத்தியமா?கல்வியை விட, பொழுதுபோக்கு ஊடகமான சினிமாவிற்கு, இந்த அரசு முக்கியத்துவம் கொடுப்பது, வேதனை அளிக்கிறது.

கொரோனா காலத்தில் மக்கள், சினிமா தியேட்டரை மறந்து விட்டனர். 'தியேட்டரை திறங்கள்' என, எவரும் போராடவில்லை. ஏனெனில் சினிமா என்பது, மக்களின் அத்தியாவசிய தேவை அல்ல.எனவே, இன்னும் சில காலங்களுக்கு, 50 சதவீத இருக்கைக்கான அனுமதியே சிறந்ததாக இருக்க முடியும்.


நல்ல தலைவராக உருவாவோம்!



வெ.ஜெயலட்சுமி, சென்னையிலிருந்து அனுப்பிய, 'இ - மெயில்' கடிதம்: 'அரசியலில் இறங்க மாட்டேன்' என்ற, நடிகர் ரஜினியின் முடிவு வரவேற்கத்தக்கது. சுவர் இருந்தால் தான் சித்திரம் வரைய முடியும் என்பது போல, உடல் ஆரோக்கியம் முக்கியமானது.அரசியலுக்கு வந்த பின், ரஜினியின் உடல்நிலையில் மேலும் பின்ன டைவு ஏற்பட்டால், அவரை குறை சொல்வது முறையாகாது. எனவே, அவர் எடுத்த முடிவு, சரியானது.இதற்காக அவர் வீட்டின் முன் தர்ணா, போஸ்டர் எரிப்பது போன்ற செயலில் ஈடுபடுவது, நாகரிகமற்றது.ரஜினி, ஏற்கனவே மரண வாயில் வரை சென்று வந்தவர் என்பதை, இவ்வுலகம் அறியும். தானாகக் கனியாத காயை, தடியால் அடித்து பழமாக்க முடியுமா?
அவர் மீது நல்ல எண்ணம், அன்பு கொண்டவர் செய்யும் செயல், இது தானா? உண்மை நிலையறியாமல், அவரை மன உளைச்சலுக்கு ஆளாக்கலாமா? இவை எல்லாம், அவரின் ரசிகர்களுக்கு அழகல்ல.அவரை ஒரு நல்ல ஆலோசகராக ஏற்றுக் கொள்வதே, ஆரோக்கிய அரசியலுக்கு வழிகோலும்.காமராஜர், கக்கன் போல, யாரோ ஒரு தலைவரை ஏன் தேட வேண்டும். நாமே, நல்ல தலைவராக உருவாகக் கூடாதா?'லஞ்சமில்லாத, ஊழலற்ற ஆட்சியை உருவாக்குவோம்' என, நாம் உறுதி ஏற்போம். அதை, நம் வீட்டில் இருந்தே செயல்படுத்துவோம்.தரமான கல்வி, குடிநீர், மருத்துவம் கிடைக்க, மக்களாகிய நாம் அகிம்சை வழியில், சட்டத்தின் வழியில் போராட்டக் களத்தில் இறங்குவோம்; நல்ல தீர்வு காண்போம்.
நாம் ஒவ்வொருவரும் ஹீரோ தான்; தலைவர் தான்.


கர்த்தர் இவரையும் மன்னிப்பாரா?



முனைவர் மீனாட்சி பட்டாபிராமன், மதுரையிலிருந்து அனுப்பிய, 'இ - மெயில்' கடிதம்: தமிழகத்தில் நிலவிய மத நல்லிணக்கத்தை, தி.க., மற்றும் தி.மு.க.,வினர் கூறுபோட்டு விற்று வருகின்றனர்.அவர்களை பொறுத்தவரையில், ஹிந்து விரோத செயலில் ஈடுபடுவதும், பிற மதத்தவரோடு இணங்கி இருப்பதும் தான், மதச் சார்பின்மை.தி.மு.க., சமீபத்தில் நடத்திய உண்ணாவிரத போராட்டத்தில் பங்கேற்ற, அதன் கூட்டணி கட்சித் தலைவர்கள், ஹிந்து மதத்தைப் பற்றி, அநாகரிகமாக பேசினர்.அவர்கள் அனைவரும், தேர்தலில் அதிக, 'சீட்' வாங்க வேண்டும் என்பதற்காக பேசினர்.ஆனால், கிறிஸ்துவ பேராயர் எஸ்ரா சற்குணம், ஹிந்து மதத்தைப் பற்றி அநாகரிகமாக ஏன் பேச வேண்டும்?ஹிந்துக்கள் முகத்தில் ரத்தம் வரும் வரை குத்த வேண்டுமாம். ஏனய்யா? அவர்கள் உனக்கு அப்படி என்ன துரோகம் செய்தனர்?
கிறிஸ்துவர் அனைவரும் நாகரிகமானோர் என, நினைத்துக் கொண்டிருக்கிறோம்; அதில் மண்ணை போட்டிருக்கிறார், எஸ்ரா சற்குணம்.தேவாலயத்தில் பொறுப்பான பதவியில் இருந்து, இறைவனின் போதனைகளை மக்களுக்கு எடுத்துச் சொல்ல வேண்டிய கடமையுடைய சற்குணம் போன்றோர், துருப்பிடித்துப்போய் கிடப்பது தான், வேதனை தருகிறது.

இது தான், இயேசு கிறிஸ்து, உங்களுக்கு கற்று தந்த போதனையா?'பிறர் மனம் புண்படும்படி ஏசுங்கள்' என, அவர் கூறியுள்ளாரா?'கன்னத்தில் அடித்தவருக்கு, மறு கன்னம் காட்டு' என்ற, தியாக சீலரின் சிந்தனைகளை, அநாகரிகமாக பேசும் நீங்கள், உங்கள் மதத்தினருக்கு எப்படி உபதேசிப்பீர்?

தி.மு.க., தலைவர் ஸ்டாலினுக்கு கூஜா துாக்குவதற்காக, இயேசு கிறிஸ்துவின் பொன்னான ஆன்மிக கருத்துக்களை எல்லாம், களபலி கொடுத்துவிடாதீர்.கர்த்தரே... தாம் செய்வது இன்னது என்று அறியாமல், பாவம் செய்தோரை மன்னித்த உம் ராஜ்ஜியம், தெரிந்தே பாவம் செய்யும் எஸ்ரா சற்குணம் போன்றவர்களையும் மன்னிக்குமா?

Advertisement




வாசகர் கருத்து (7)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
mathimandhiri - chennai,இந்தியா
07-ஜன-202113:36:09 IST Report Abuse
mathimandhiri இப்படிப்பட்ட இந்து விரோதிகள் சொந்த வாழ்க்கை வசதிகளுக்காகவே "திருச்சபை" என்ற ஒன்றைத் தொடங்கி வருமானமம் சொகுசு வாழ்க்கையும் உறுதி செய்யப்படும் விதத்தில் இந்துக்கள் மீது சேற்றை வாரி இறைத்துக் கொண்டே இருப்பார்கள். இந்த எஸ்ட்றாவின் முகத்த திரையை இந்தப் பகுதியில் ஏற்கனவே அதே சமூ க்கத்தைச் சேர்ந்த ஒரு வாசகர் கிழித்துத் தொங்க விட்டு விட்டாரே இந்தப்போலி பேர் வழிகளை இந்து மதத்தின் மேல் சேறு எறிவதற்காகவே தமிழகத்தில் உள்ள எச்சில் கட்சிகள் பாலூட்டி சீராட்டி வளர்த்து தங்கள் பக்கத்திலேயே வைத்திருப்பது நெடுங்காலமாக உள்ளது தமிழ் நாட்டில். இதுக்குக் காரணம் சொரணை கெட்ட இந்துக்கள் இன்னும் அக்கட்சிகளுக்கு பரம்பரை அடிப்படையில் கொத்தடிமைகளாக இருந்து கொண்டிருப்பது தான்.. இவர்கள் கையில் ஆட்சி சென்றால்?
Rate this:
Cancel
karutthu - nainital,இந்தியா
07-ஜன-202113:35:00 IST Report Abuse
karutthu எஸ் ரா சர்குணம் கிறிஸ்தவர் என்ற போர்வையில் தி மு க வின் காலடியில் விழுந்து கிறிஸ்துவ அரசியல் நடத்தறான் ஆனால் யேசுநாதரின் போதனையை எடுத்துரைக்கும் உண்மையான கிறிஸ்தவர் அல்ல இந்த போலி ஆசாமியை நம்பவேண்டாம்
Rate this:
Cancel
Darmavan - Chennai,இந்தியா
07-ஜன-202111:01:37 IST Report Abuse
Darmavan இவன் அதிகாரபூர்வ பாதிரியார் இல்லை..போலி
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X