திட்டக்குடி - திட்டக்குடி, இளமங்கலத்தில் தி.மு.க., சார்பில் மக்கள் கிராம சபை கூட்டம் நடந்தது.நகர செயலாளர் பரமகுரு தலைமை தாங்கினார். மங்களூர் கிழக்கு ஒன்றிய செயலாளர் பட்டூர் அமிர்தலிங்கம் முன்னிலை வகித்தார். கணேசன் எம்.எல்.ஏ., பொதுமக்களிடம் குறைகளைக் கேட்டறிந்து சிறப்புரையாற்றினார்.மாவட்ட பிரதிநிதிகள் ராதாகிருஷ்ணன், செந்தில்குமார், கொளஞ்சியப்பன், அண்ணாதுரை, ஒன்றிய இளைஞரணி அமைப்பாளர் பன்னீர்செல்வம், துணை அமைப்பாளர்கள் உட்பட பலர் பங்கேற்றனர்.கூட்டத்தில் அ.தி.மு.க.,வை நிராகரிப்போம் என்பது உட்பட பல தீரமானங்கள் நிறைவேற்றப்பட்டன.