கரூர்: கரூர் அருகே மாயமான சிறுவனின் உடல் கிணற்றில் மீட்கப்பட்டது. கரூர் மாவட்டம், பசுபதிபாளையம் வடக்கு தெருவை சேர்ந்தவர் பாலசுப்ரமணி, 48; மனைவி முத்துலட்சுமி, 45; இவர்களுக்கு குழந்தை இல்லாததால், ஏழு ஆண்டுகளுக்கு முன்பு, ஆண் குழந்தையை தத்து எடுத்து, நாட்ராயன், 7, என பெயரிட்டு வளர்த்து வந்தனர். கடந்த, 4 முதல் மகனை காணவில்லை என, பாலசுப்ரமணி போலீசில் புகார் செய்திருந்தார். இந்நிலையில், நேற்று காலை வீட்டுக்கு அருகே உள்ள கிணற்றில் சிறுவன் இறந்து கிடந்தது கண்டுபிடிக்கப்பட்டது. உடலை மீட்டு, பசுபதிபாளையம் போலீசார் விசாரிக்கின்றனர்.