மதுரை : சென்னையிலிருந்து செங்கோட்டைக்கு மதுரை மற்றும் காரைக்குடி வழியாக இரு சிறப்பு ரயில்களை தெற்கு ரயில்வே நிர்வாகம் இயக்குகிறது.இந்த இரு ரயில்களும் சென்னை எழும்பூரிலிருந்து 15 நிமிட இடைவெளியில் புறப்படுவதால் பயணிகளுக்கு குழப்பங்கள் ஏற்படுகின்றன.
எனவே சென்னை எழும்பூர் - மதுரை -செங்கோட்டை சிறப்பு ரயில்(02661), செங்கோட்டை - மதுரை - சென்னை சிறப்பு ரயில் (02662), சென்னை எழும்பூர் -காரைக்குடி-செங்கோட்டை சிறப்பு ரயில் (06181), செங்கோட்டை - காரைக்குடி - சென்னை எழும்பூர் சிறப்பு ரயில்(06182)என பெயர் மாற்றம் செய்யப்பட்டு இயக்கப்படுகிறது.
சென்னை எழும்பூர் - மதுரை - செங்கோட்டை சிறப்பு ரயில்கள்(02661/02662) தாம்பரம், செங்கல்பட்டு, மேல்மருவத்துார், விழுப்புரம், விருத்தாச்சலம், திருச்சி, திண்டுக்கல், மதுரை, விருதுநகர், திருத்தங்கல், சிவகாசி, ஸ்ரீவில்லிபுத்துார், ராஜ பாளையம், சங்கரன்கோவில், பாம்புக்கோவில் சந்தை, கடையநல்லுார் ஸ்டேஷன்களில் நின்று செல்லும்.
சென்னை எழும்பூர் - காரைக்குடி - செங்கோட்டை சிறப்பு ரயில்கள் (06181/06182) தாம்பரம், செங்கல்பட்டு, மேல் மருவத்துார், விழுப்புரம், விருத்தாச்சலம், திருச்சி, புதுக்கோட்டை, காரைக்குடி, தேவகோட்டை ரோடு, சிவகங்கை, மானாமதுரை, அருப்புக்கோட்டை, விருதுநகர், திருத்தங்கல், சிவகாசி, ஸ்ரீவில்லிபுத்துார், ராஜபாளையம், சங்கரன்கோவில், பாம்புக்கோவில்சந்தை, கடையநல்லுார் ஸ்டேஷன்களில் நின்று செல்லும்.