ராமநாதபுரம் : பா.ஜ., மாநில தலைவர்முருகன் இன்றும், நாளையும் ராமநாதபுரம்மாவட்டத்தில் நடைபெறும் நம்ம ஊரு பொங்கல் விழாக்களில் பங்கேற்கிறார். இதற்காக இன்று(ஜன.8) காலை அவர் ராமநாதபுரம் வருகிறார்.

பா.ஜ., சார்பில் அனைத்து மாவட்டங்களிலும் 'நம்ம ஊரு பொங்கல்' விழா நடத்தப்படுகிறது. நாளை(ஜன.9) காலை 9:30 மணிக்கு போகலுார் ஓட்டமட காளியம்மன் கோயில் முன்பு நம்ம ஊரு பொங்கல் நிகழ்ச்சி நடக்கிறது. இதில் மாநில தலைவர் முருகன் பங்கேற்கிறார்.மாவட்ட எல்லையான பார்த்திபனுாரில் இன்று காலை 11:00 மணிக்கு வரவேற்பு அளிக்கப்படுகிறது. பின் பரமக்குடி, போகலுார், அச்சுந்தன்வயல், ராமநாதபுரம் அரண்மனை, வாலாந்தரவை, ரெகுநாதபுரம் என பல இடங்களில் வரவேற்பு அளிக்கப்படுகிறது. இரவு ரெகுநாதபுரத்தில் தங்குகிறார்.