பிரத்யேக சரக்கு ரயில் தடச் சேவை: துவக்கி வைத்தார் பிரதமர் மோடி

Updated : ஜன 09, 2021 | Added : ஜன 08, 2021 | கருத்துகள் (17)
Share
Advertisement
சண்டிகர்: ஹரியானா - ராஜஸ்தான் இடையே சரக்கு ரயில் போக்குவரத்திற்காக, பிரத்யேகமாக அமைக்கப்பட்டுள்ள, கிழக்கு சரக்கு ரயில் வழித் தடச் சேவையை, பிரதமர் மோடி நேற்று, 'வீடியோ கான்பரன்ஸ்' வாயிலாக துவக்கி வைத்தார்.ஹரியானாவில், முதல்வர் மனோகர்லால் கட்டார் தலைமையில், பா.ஜ., ஆட்சி நடக்கிறது. மிகப்பெரிய மாற்றம்இங்கிருந்து, ராஜஸ்தான்வரை, கிழக்கு சரக்கு ரயில் தடச் சேவை
பிரத்யேக சரக்கு ரயில், தடச் சேவை,Narendramodi, Modi, Pmnarendramodi, PmModi, பிரதமர்மோடி, பிரதமர்நரேந்திரமோடி, நரேந்திரமோடி, மோடி,

சண்டிகர்: ஹரியானா - ராஜஸ்தான் இடையே சரக்கு ரயில் போக்குவரத்திற்காக, பிரத்யேகமாக அமைக்கப்பட்டுள்ள, கிழக்கு சரக்கு ரயில் வழித் தடச் சேவையை, பிரதமர் மோடி நேற்று, 'வீடியோ கான்பரன்ஸ்' வாயிலாக துவக்கி வைத்தார்.


ஹரியானாவில், முதல்வர் மனோகர்லால் கட்டார் தலைமையில், பா.ஜ., ஆட்சி நடக்கிறது. மிகப்பெரிய மாற்றம்இங்கிருந்து, ராஜஸ்தான்வரை, கிழக்கு சரக்கு ரயில் தடச் சேவை திட்டத்தின் கீழ், 'நியூ ரிவாரி - நியூ மடார்' ரயில்வே ஸ்டேஷன்கள் இடையே, 306 கி.மீ., துாரத்திற்கு, சரக்கு ரயில் போக்குவரத்து தடம் அமைக்கப்பட்டுள்ளது.


நேற்று, பிரதமர் மோடி, இந்த பிரத்யேக சரக்கு ரயில் தடத்தை, நாட்டிற்கு அர்ப்பணித்தார். அத்துடன், ஹரியானாவின், நியூ அடெலி - ராஜஸ்தானின், நியூ கிஷன்கர் ரயில்வே ஸ்டேஷன்கள் இடையே, உலகின் முதல் இரட்டை அடுக்கு சரக்கு பெட்டக ரயில் போக்குவரத்தையும், கொடியசைத்து துவக்கி வைத்தார்.

இந்நிகழ்ச்சியில், மோடி பேசியதாவது:மத்திய அரசு, நாட்டின் அடிப்படை கட்டமைப்பு வசதிகளை நவீனமயமாக்க நடத்தி வரும், மகா யாகத்தில் இன்று புதியதொரு சாதனை படைக்கப்பட்டுள்ளது. இந்த பிரத்யேக சரக்கு ரயில் போக்குவரத்து திட்டம், 21ம் நுாற்றாண்டின், இந்தியாவில் மிகப்பெரிய மாற்றத்தை ஏற்படுத்த உதவும். கடந்த, ஐந்து - ஆறு ஆண்டுகளாக மேற்கொண்ட கடினமான திட்டப் பணிகளில், இன்று மிகப்பெரிய பகுதி முடிவடைந்து, பயன்பாட்டிற்கு வந்துள்ளது.




புதிய நம்பிக்கை



கடந்த, 10 - 12 நாட்களில் கிழக்கு பிராந்தியத்தில், பிரத்யேக சரக்கு ரயில் சேவை உட்பட, பல்வேறு திட்டங்கள் நாட்டிற்கு அர்ப்பணிக்கப்பட்டுள்ளன. சமீபத்தில், இந்தியாவில் தயாரிக்கப்படும், 'கோவிஷீல்டு, கோவாக்சின்' என்ற இரு கொரோனா தடுப்பூசி மருந்துகள், அவசர கால பயன்பாட்டிற்கு அனுமதிக்கப்பட்டுள்ளன. இந்தியா தயாரித்துள்ள இந்த கொரோனா தடுப்பூசிகள், ஒவ்வொரு குடிமகனுக்கும் புதிய நம்பிக்கையை விதைத்துள்ளன. ஒவ்வொருவரும், சோர்வின்றி, இடையுறாத உழைப்பை நல்கினால், நாம் அனைவரும் வேகமாக முன்னேறலாம். இவ்வாறு, அவர் பேசினார்.

Advertisement




வாசகர் கருத்து (17)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Madhusoodhana Ramachandran - Chennai,இந்தியா
08-ஜன-202122:11:01 IST Report Abuse
Madhusoodhana Ramachandran இந்த மாநிலங்கத்திற்கு எதற்கு செல்வா செய்கிறார்கள். யோஜனை செய்யாமல் தூண்டி விடுபவர்கள் பின்னால் செல்லும் இவர் முனேற்றத்தை பற்றி என்னகவலை. இந்த நிதியையும் திட்டங்களையும் தேர்க்கே திருப்பிவிடலாமே?
Rate this:
Cancel
g.s,rajan - chennai ,இந்தியா
08-ஜன-202121:51:29 IST Report Abuse
g.s,rajan ஏற்கனவே பயணிகளின் ரயில்கள் பலவற்றை தனியார் மயமாக்கி குட்டிச்சுவராக்கி விட்டது .இனிமே ரயில்வே துறை வயசுக்கு வந்தா என்ன ,வயசுக்கு வராட்டி என்ன ???நாட்டில் எல்லாப் பொதுத்துறையையும் சீரழித்து எல்லாம் தனியார் மயமாக்கி இந்த நாட்டையும் நாட்டு மக்களையும் நாசமாக்கிவிட்டுப் போகட்டும் அரசாங்கம் போட்டு வைத்திருக்கும்ரயில் பாதையில் தனியார் நிறுவனங்கள் கொழிக்க போகின்றன ,லாபம் கொட்டோ கொட்டென்று கொட்ட போகிறது .பொதுமக்கள் சாலைகளில் விதிக்கப்படும் சுங்கக்கட்டணத்திற்கும் தரை வழி பயணத்திற்கும் ஆகும் செலவிற்கு பீதி அடைந்து பின்னங்கால் பிடரியில் பட தலை தெறிக்க ஓட போகின்றனர் ரயில்வேத் துறையை தனியார் மயமாக்கினால்சரக்கு மற்றும் போக்குவரத்து கட்டணங்கள் தாறுமாறாக உயரும் .இந்தியாவில் சாமானியன் ரயிலில் ஆயுசுக்கும் பயணம் செய்ய முடியவே முடியாது எது எப்படியோ .இந்த நாடும் நாட்டு மக்களும் நாசமாய் போகட்டும் .. ஜி.எஸ்.ராஜன் சென்னை
Rate this:
Cancel
ANTONYRAJ - MADURAI,இந்தியா
08-ஜன-202120:53:57 IST Report Abuse
ANTONYRAJ உலகெங்கும் உள்ளதைப் போல இது சாதாரணமான சரக்கு போக்குவரத்து ரயில் தடம் அல்ல. வழக்கமாக உள்ள சரக்கு ரயிலில் 40அடி நீளமுள்ள கண்டெய்னரை வரிசையாக உள்ள ஓபன் ட்ரக்கில் ஒன்றின் பின் ஒன்றாக வைத்து அதிக பட்சம் 350 கண்டெய்னர்களை ஏற்றி செல்லலாம்.இந்தியாவிலும் இதுதான் வழக்கத்திலிருந்தது.இது மற்ற ரயில்கள் செல்லும் தடத்திலும் உயரத்தில் உள்ள மின்சார ஒயர்களிலும் உரசிக் கொண்டு இயங்கும்.ஆனால் இந்த பிரத்யேக ரயிலில் 40அடி கண்டெய்னர்களை ஒன்றின் மேல் ஒன்றென இரண்டாக அடுக்கி வைத்து அதிகபட்சமாக 750 லிருந்து 800 கண்டெய்னகள் வரை ஏற்றி செல்ல முடியும்.அப்படியென்றால் அதனுடைய எடை மற்றும் உயரம் இருமடங்காகும்.இதற்காகத்தான் தனியான உறுதியாக்கப்பட்ட ரயில் தடமும்,உயரம் இருமடங்கு அதிகரிக்கப்பட்ட உரசிக் கொண்டு செல்லும் மின்சார கம்பங்களும், உயரம் கூட்டப்பட்ட அதிகமான வழியில் உள்ள பாலங்களும் அமைக்கப் பட்டது.உலகிலேயே இப்படிப் பட்ட இரண்டடுக்கு சரக்கு ரயில்கள் இப்போது இந்தியாவில் மட்டுமே தயாரித்து அதை செயல்படுத்தியிருக்கிறோம்.எதற்கெடுத்தாலும் குறை சொல்பவர்கள் இதை படித்தாவது புரிந்து கொள்ளுங்கள்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X