சென்னை:ரேஷன் கடைகளுக்கு, இன்று விடுமுறை கிடையாது.தமிழகத்தில், ரேஷன் கடைகளுக்கு, மாதத்தின் முதலாவது மற்றும் இரண்டாவது வெள்ளிக்கிழமை விடுமுறை நாளாகவும், அதற்கு மாற்றாக, அந்த வாரங்களில் வரும் ஞாயிற்றுகிழமை வேலை நாட்களாகவும் உள்ளன.

அரிசி கார்டுதாரருக்கு, தலா, 2,500 ரூபாய் ரொக்கத்துடன் கூடிய பொங்கல் பரிசு தொகுப்பு வழங்கப்பட்டு வருகிறது. இதனால், ரேஷன் கடைகளுக்கு இன்று, விடுமுறையாக இருந்தாலும், அதை ரத்து செய்து, வேலை நாளாக அறிவிக்கப்பட்டுள்ளது.எனவே, கார்டுதாரர்கள், இன்றும் ரேஷன் கடைகளுக்கு சென்று, பொங்கல் பரிசு தொகுப்பை வாங்கலாம்.