கோவை:தென்னிந்திய சிறு நுாற்பாலைகள் சங்க(சிஸ்பா), 29வது ஆண்டு பொதுக்குழு கூட்டம், கேரளா கிளப்பில் நடந்தது.சங்கத்தலைவர் முருகேசன் தலைமையில், செயலாளர் வெங்கடேசன் உள்ளிட்டோர் பங்கேற்ற கூட்டத்தில், பஞ்சில் துவங்கி ஆயத்த ஆடைகள் வரை உள்ள அனைத்து ஜவுளித்தொழில்களுக்கும் ஒரே மாதிரியாக, 5 சதவீதம் ஜி.எஸ்.டி., விதித்திருப்பது போல், செயற்கை இழைகளுக்கும், 5 சதவீதமாக குறைக்க அரசு நடவடிக்கை எடுக்க வேண்டும். சிறு, குறு நடுத்தர நுற்பாலைகளுக்கு அனைத்து விதமான கடன்களுக்கும், 7 சதவீத வட்டியில் கடன் வழங்க வேண்டும். நடப்பு மூலதனத்தின் விற்று முதல் வரையறை, 20 சதவீதமாக உள்ளதை, 40 சதவீதமாக உயர்த்திதர வேண்டும் என்பன உள்ளிட்ட கோரிக்கைகள், தீர்மானங்களாக நிறைவேற்றப்பட்டன.