தொண்டாமுத்துார்,:தொண்டாமுத்துார் வட்டாரத்தில், இரவில் பெய்த கனமழையால், சித்திரைச்சாவடிதடுப்பணையில் வெள்ளப்பெருக்கு ஏற்பட்டது.தொண்டாமுத்தூர் வட்டாரத்தில், நேற்று முன்தினம் இரவு முழுவதும் தொடர்ந்து கனமழை பெய்ததால், நொய்யல் ஆற்றின் முதல் தடுப்பணை அணையான, சித்திரைச்சாவடி தடுப்பணைக்கு, அதிகாலை, 5:15 மணிக்கு நீர்வரத்து துவங்கியது. நீர்வரத்து அதிகரித்து, வெள்ளம் பெருக்கெடுத்து ஓடியது. சித்திரைச்சாவடி தடுப்பணை புனரமைக்கப்பட்ட பின், முதல்முறையாக வெள்ளப்பெருக்கு ஏற்பட்டுள்ளது. வாய்க்கால்கள் மூலம், குளங்களுக்கு நீர் அனுப்பப்பட்டது.