கள்ளக்குறிச்சி; கோட்டைமேடு ஊராட்சி ஒன்றிய தொடக்க பள்ளியில் பள்ளி மேலாண்மைக்குழு பயிற்சி அளிக்கப்பட்டது.கள்ளக்குறிச்சி கோட்டைமேடு ஊராட்சி ஒன்றிய தொடக்கப் பள்ளியில் நடந்த ஒருநாள் பயிற்சி முகாமிற்கு பள்ளி மேலாண்மைக்குழுத் தலைவர் தனலட்சுமி தலைமை தாங்கினார். வட்டார வள மைய மேற்பார்வையாளர் கோவிந்தராஜன், ஆசிரியர் பயிற்றுனர் மணிகண்டன், தலைமை ஆசிரியை பரிமளா ஆகியோர் பயிற்சி அளித்தனர்.தொடர்ந்து பள்ளி மற்றும் பராமரிப்பு மானிய உத்தேச செலவுகள் குறித்து கலந்துரையாடலுக்குப்பின், பள்ளி மேம்பாட்டுத்திட்டம் நிறைவேற்றப்பட்டது. உதவி ஆசிரியை ஷம்ஷாத் பேகம் நன்றி கூறினார்.