திருவள்ளூர்: திருவள்ளூர் மாவட்டத்தில், 'கோவிட் - -19' தடுப்பூசி ஒத்திகை சிறப்பு முகாம், அரசு மருத்துவக்கல்லுாரி மருத்துவமனையில் நேற்று நடந்தது.இதை பார்வையிட்ட பின், கலெக்டர் பொன்னையா கூறியதாவது:'கொரோனா' வைரஸ் தடுப்பு ஊசி, போடும் முகாம் தற்போது, மாவட்டம் முழுதும் நடந்து வருகிறது. மாவட்டத்தில், 10 இடங்களில், 'கோவிட் --- 19' தடுப்பூசி ஒத்திகை முகாம் நடைபெற்று வருகிறது.முதல்கட்டமாக, செவிலியர், மருத்துவர்கள் ஆகியோருக்கு, தடுப்பூசி வழங்கப்பட்டு வருகிறது.இவ்வாறு அவர் கூறினார்.உடன், மருத்துவக்கல்லுாரி முதல்வர் அரசி, டி.எஸ்.பி., துரைப்பாண்டியன் உட்பட பலர் உடன் இருந்தனர்.