நம் வாழ்க்கையை மகிழ்ச்சியாக அமைத்துக்கொள்ள, என்னவெல்லாம் செய்யலாம் எனப் பரிந்துரைக்கிறார், மனநல மருத்துவர் பூங்கொடி பாலா. சோஷியல் மீடியாவில் உபயோகிக்கும் நேரத்தை, முடிந்த வரை குறைத்துக் கொள்ளவும் அன்றாடம் குறைந்தபட்சம், 30 நிமிடங்கள் ஒதுக்கி, மனதுக்கு நெருக்கமான ஒரு பொழுது போக்கு பழக்கத்தை செய்து வரவும். அது விளையாட்டாகவோ, இசையாகவோ, வரைகலையாகவோ... எதுவாக வேண்டுமானாலும் இருக்கலாம் இரவு சீக்கிரம் படுக்கச்சென்று, காலையில் சீக்கிரம் எழுந்து பழகவும் தினமும் அதிகாலை அல்லது அந்திமாலை வேளையில், அதிகபட்சம் 40 நிமிடங்கள், நடை பயிற்சி செல்லவும். பின் குளித்துவிட்டு, அன்றாட வேலையில் ஈடுபடவும்தினமும் காலை, மாலையில் தியானம் செய்யவும்மனதில் தோன்றும் விஷயங்களை, டைரி ஒன்றில் எழுதவும். இதன்மூலம், மனம் லேசாகும்நடந்து முடிந்த, நடக்கப்போகிற பிரச்னைகள் குறித்து யோசிக்காமல், நிகழ்காலத்தில் கவனம் செலுத்தவும் நீங்கள் நெருக்கமாக உணரும் நண்பரிடமோ, குடும்பத்தாரிடமோ உங்கள் சுக துக்கங்களை பகிர்ந்து கொள்ளவும் மனதுக்கு மகிழ்ச்சிதரும் இசையை கேட்பதற்கென, தினமும் சில நிமிடங்கள் ஒதுக்கி கொள்ளவும் உங்களுக்கு பிடித்த ஆரோக்கியமான உணவுகளை மூன்று வேளையும் சாப்பிடவும். பாஸ்ட் புட் வகைகளை முழுமையாக தவிர்ப்பது நல்லது. எந்தச் சூழலிலும், உங்களை யாருடனும் ஒப்பிட்டு பார்க்காதீர்கள். உங்களுக்கான தனித்துவத்தை கண்டறிந்து, அவற்றை மேம்படுத்திக் கொள்ளுங்கள்.